एक सातामा कति घट्यो नेपालमा कोरोना ?

अघिल्लो साताको तुलनामा कोरोना संक्रमाणरमा ९.३ प्रतिशेतले कमी आएको छ । स्वास्थ्य तथा जनसंख्या मन्त्रालयको बुधबारको प्रेस ब्रिफिङमा मन्त्रालयकी प्रवक्ता डा.संगीता मिश्राले यसबारे जानकारी दिनुभएको छ । 

प्रवक्ता डा.मिश्राका अनुसार अघिल्लो साता ५१ हजार ३०९ पीसीआर परीक्षण गर्दा ११ हजार ४१ मा संक्रमण देखिएको थियो । यो पोजेटिभ रिपोर्ट देखिनेदर २१.५ प्रतिशत हो । 

यससाता  ५८ हजार ७६४ को परीक्षण गर्दा ५ हजार ४२८ मा पोजेटिभ रिपोर्ट देखिएको मिश्राले बताउनु भयो ।  यो साताको पीसीआर परीक्षणको संक्रमणदर ९.२ प्रतिशत रहेको छ।  अघिल्लो साताको भन्दा यो साता संक्रमणदरमा १२.३ प्रतिशतले कमी आएको उहाँले जानकारी दिनुभयो । 

 एन्टिजेन परीक्षणतर्फ एकसातामा ९.३ प्रतिशले कमी आएको प्रवक्ता डा.मिश्राले बताउनुभयो । 

उहाँले दिएको जानकारी अनुसार अघिल्लो साता २५ हजार ७७२ एन्टिजेन परीक्षण गर्दा  ४ हजार ९२४ मा संक्रमण देखिएको थियो । संक्रमणदर  १९.१ थियो । यो साता २३ हजार २३ मा परीक्षण गर्दा २ हजार २५४ पोजेटिभ रिपोर्ट आएको छ ।  यो साताको संक्रमणदर ९.३ प्रतिशत छ । एन्टिजेनतर्फ एकसातामा ९.३ प्रतिशतले कमी आएको छ । 

औषतमा एकसातामा संक्रमणदरमा ९.४ रहेको  र अघिल्लो हप्ताको तुलनामा प्रतशित ११.३ ले कम रहेको प्रवक्ता मिश्राले जानकारी दिनुभयो ।