स्वाब संकलन गर्न जाँदा स्वास्थ्यकर्मीमाथि बाटैमा कुटपिट
घाँटी, खुट्टा र पाखुरा चोट
प्रतिकात्मक तस्बिर
हेल्थपाटी - भाद्र २३, २०७७ ०८:५७ मा प्रकाशित
अ +
अ -
बैतडी । बैतडीमा स्वाब संकलन गर्ने हिडेका स्वास्थ्यकर्मीमाथि हातपात भएको छ । सिगास गाउँपालिका वडा नं ३ बल्लेखान आधारभूत स्वास्थ्य केन्द्रबाट वडा नं ५ ढुंगाडमा स्वाब संकलनका लागि हिडेका स्वास्थ्यकर्मी भुपेन्द्र बोहरामाथि हिजो हातपात भएको हो।
स्वास्थ्यकर्मीमाथि बाटोमै हापात भएपछि स्वाब संकलन कार्य रोकिएको ढुंगाड स्वास्थ्यचौकीका इन्चार्ज हेमन्तसिंह साउँदले बताउनु भयो । बाटोमा पर्ने भूमीराज आधारभूत विद्यालयमा वन सम्बन्धि बैठक चलिरहेको थियो ।
पिटाइ खाने स्वास्थ्यकर्मी बोहोराले त्यहाँ पुगेर सामाजिक दुरी कायम गर्न र स्वास्थ्य सुरक्षा सतर्कता अपनाउन आग्रह गर्दा स्थानीय भानसिंह बोहराले हातपात गरेका हुन्। ती स्वास्थ्यकर्मीको घाँटी, खुट्टा र पाखुरा चोट रहेको बताइएको छ।
स्थानीयले हातपात गर्दा ती स्वास्थ्यकर्मीको घाँटी, खुट्टा र पाखुरा चोट रहेको बताइएको छ ।
तपाईँको अभिमत