पीसीआर परीक्षण गर्दा रिपोर्ट पोजेटिभ आए के गर्ने - कहाँ जाने ?
यी नम्वरमा फोन गर्नुहोस्
काठमाडौं । सःशुल्क पीसीआर परीक्षणलाई अनुमति दिइएपछि परीक्षण गर्नेको संख्या बढेको छ । देशका विभिन्न स्थानमा स्वास्थ्य तथा जनसंख्या मन्त्रालयले तोकेको अस्पताल तथा प्रयोगशालामा पीसीआर परीक्षण गर्न सकिन्छ ।
आज शनिबार मात्रै पीसीआर परीक्षणको शुल्क १ हजार १ सयले घटाएर ४ हजार ४०० मा झारिएको छ । स्वास्थ्य निरोगिता, भिसा प्रक्रयाका लागि पैसा तिरेर पीसीआर परीक्षण गर्न पाइनेछ । तर यसरी परीक्षण गर्दा कतिपयलाई भने समस्या भएको छ । प्रयोगशालाबाट फोन आउँछ रिपोर्ट पोजेटिभ आयो भनेर तर धेरैलाई कहाँ जाने ? कसलाई भन्ने थाहा नहुँदा उनीहरु समस्यामा परिरहेका छन् ।
प्रयोगशालाले ईपिडिमियोलोजी तथा रोग नियन्त्रण महाशाखा(ईडिसिडी)लाई संक्रमितको विवरण बुझाए पनि कतिपय संक्रमितलाई ईडिसिडीबाट फोन जाँदैन । यस्तो अवस्थामा रिपोर्ट पोजेटिभ आएकाहरु स्वास्थ्यकर्मीको सम्पर्कमा आउन नसकिरहेको गुनासो संक्रमितहरुको छ । ईडिसिडीले भने सम्पर्क नम्वर, ठेगाना गलत हुँदा संक्रमितलाई भेट्टाउन मुस्किल हुने गरेको बताइरहेको छ ।
रिपोर्ट पोजेटिभ आएमा संक्रमित आफैले पनि डा.माधव लम्साल र लिला बिक्रम थापालाई सम्पर्क गर्न सकिने व्यवस्था मिलाइएको ईडिसिडीले जानकारी दिएको छ । लक्षण भएका संक्रमितले डा. लम्साललाई ९८५१२३४२२९ र लक्षण नभएका संक्रमितले थापालाई ९८५११४७३६१ मा फोन गर्न सकिनेछ ।
तपाईँको अभिमत