हतारमा पीसीआर परीक्षण : “रिपोर्ट नेगेटिभ व्यक्ति संक्रमित”
हेल्थपाटी - श्रावन ३१, २०७७ १७:२६ मा प्रकाशित
अ +
अ -
काठमाडौं । सरकारले सःशुल्क पीसीआर परीक्षण गर्न अनुमति दिएसँगै तोकिएका प्रयोगशालाहरुमा पीसीआर परीक्षण गराउनेको भीड लाग्ने गरेको छ । स्वदेश तथा विदेशबाट आएका व्यक्ति तथा निरोगीताको प्रमाणपत्रका लागि पीसीआर परीक्षण गराउनेहरु बढेका छन् ।
स्वास्थ्य तथा जनसंख्या मन्त्रालयका प्रवक्ता प्रा.डा जागेश्वर गौतमले संक्रमितको सम्पर्कमा रहेको भन्दैमा तुरुन्तै स्वाब परीक्षण गर्दा फल्स रिपोर्ट आउनसक्ने बताउनुहुन्छ । संक्रमितको सम्पर्कमा आएकाहरु पनि तुरुन्तै पीसीआर परीक्षण गर्न हतारिएको पाइएको र यसरी टेस्ट गर्दा नेगेटिभ तर पछि थाहै नभई संक्रमण भइसकेको हुनसक्ने उहाँले बताउनुभयो ।
त्यसैले संक्रमितको सम्पर्कमा आएका व्यक्तिहरुले ५ देखि ७ दिन कुरेर मात्रै पीसीआर परीक्षण गर्न उहाँले आग्रह गर्नुभयो । साथै उहाँले पीसीआर परीक्षण गरि रिपोर्ट नआउञ्जेल अनिवार्य क्वारेन्टिनमा बस्न पनि आग्रह गर्नुभयो ।
तपाईँको अभिमत