कोरोना सम्बन्धि गलत सूचना र सन्देशले सयौंको ज्यान गयो : अध्ययन
काठमाडौं । सामाजिक सञ्जाल मार्फत कोरोना भाइरस सम्बन्धमा भइरहेका गलत सूचना र सन्देश प्रवाहका कारण विश्वमा सयौ मानिसको मृत्यु भएको एक अध्ययनले देखाएको छ । हालै अमेरिकी जर्नलमा प्रकाशित ट्रपिकल मेडिसिन तथा हाइजिन सम्बन्धि अध्ययनमा विश्वभर कम्तिमा ८ सय मानिसको मृत्यु गलत सूचनाका कारण भएको उल्लेख गरिएको छ ।
अध्ययनका अनुसार मेथानोल अथवा अल्कोहलयुक्त पेय पदार्थ पिउदा कोरोना भाइरस नष्ट हुन्छ भन्ने शन्देशलाई अनुसरण गर्दा धेरै मानिसको मृत्यु भएको छ । यस्तै विश्वसनिय मेडिकल सल्लाह जस्तै संक्रमणलाई रोक्न धेरै परिमाणमा लसुन वा भिटामिन खानुपर्छ भन्ने शन्देशलाई मान्दा पनि कयौको मृत्यु भएको छ,अध्ययनमा भनिएको छ । यस्तै गाईको गहुँतले कोरोना लाग्दैन भनेर पिउदा मृत्यु भएको धेरै केश भेटिएको पनि अध्ययनमा खुलाइएकाे छ ।
अहिले यीनै सल्लाह सुझाव अनुसार अघि बढ्दा ५ हजार ८०० मानिस बिरामी भएर अस्पताल भर्ना भएका छन् । गतल सूचना र सन्देशलाई रोक्न गम्भिर भएर लाग्न नीति निर्माताहरुलाई अनुसन्धानकर्ताहरुले सुझाव दिएका छन् । बीबीसी
तपाईँको अभिमत