प्रदेश १ मा ३ स्वास्थ्यकर्मी, मुख्य न्यायाधिवक्तासहित थप १८ लाई काेराेना
हेल्थपाटी - श्रावन १९, २०७७ १४:०१ मा प्रकाशित
अ +
अ -
मोरङ । प्रदेश १ का मुख्य न्यायाधिवक्ता चूडामणि आचार्यसहित विराटनगरका १८ जनालाई कोरोना भाइरस रोग(कोभिड–१९) पुष्टि भएको छ । विराटनगर महानगरपालिका वडानम्बर ५ का मुख्य न्यायायाधिवक्ता आचार्यको परिवारका तीनजना सदस्यलाई पनि कोरोना संक्रमण भएको छ । उहाँलाई कहाँबाट कोरोना संक्रमण भयो खुलेको छैन ।
आचार्यको परिवार बाहेक अन्य १५ जनालाई कोरोना पोजेटिभ देखिएको हो । संक्रमितहरुमा विराटनगर वडा नम्बर ५ का ३ जना, प्रदेश प्रहरी कार्यालय विराटनगरका ७ जना, विराटनगर–७ का ४ जना र विराटनगर–६ का १ जना रहेका छन् । महानगरपालिका जनस्वास्थ्य प्रमुख रमेश कार्कीका अनुसार विराटनगर– ७ का ३० र ३६ वर्षीया महिला र २५ र ४५ वर्षीय पुरुष तथा ६ का २४ वर्षीय पुरुषलाई कोरोना पुष्टि भएको छ ।
यस्तै कोशी अस्पतालमा कार्यरत २ जना र विराट मेडिकल कलेजमा कार्यरत एक जना स्वास्थ्यकर्मीलाई पनि कोरोना पोजेटिभ देखिएको छ ।
तपाईँको अभिमत