डाक्टरमाथि दुर्व्यवहारसँगै ज्यान मार्ने धम्की
बाजुरा । कोल्टी प्राथमिक स्वास्थ्य केन्द्रका ईन्चार्ज डा. राजुराज जैशीमाथि ओपिडिमै दुर्व्यवहार भएको छ । बिरामी चेकजाँच गरिरहेकै बेला आफूमाथि स्थानिय मेखराज शाहीले दुर्व्यवहार गरेको डा. राजु जैशीले जानकारी दिनुभएको छ । क्षयरोगका एक महिलालाई बयलपाटा रिफर गरेको घटनालाई लिएर आफूमाथि दुर्व्यवहारसँगै ज्यान मार्ने धम्की दिएको डा.जैशीले बताउनुभयो ।
पहिलो चरण ६ महिना क्षयरोगको औषधि खाइसकेको दोस्रो पटक पनि ६ महिना औषधि खाँदा सञ्चो नभएपछि थप उपचार तथा चेकजाँचका लागि अछामको बयलपाटा अस्पालमा रिफर गरेको थियो । ६ महिना औषधि खाँदा पनि खकारमा टिभीको किटाणु देखापरेपछि महिलालाई जिनस्पट जाँच गर्नका लागि रिफर गरिएको थियो। मेखराज शाहीलाइ क्षयरोगको बारेमा र अन्यत्र जानु भनेर धेरै पटक सम्झाए, तर उनले उल्टै आफूलाई तपाइँ जस्तालाई सरुवा, बढुवा र जागिर खाने हैसियत भएको मान्छे हुँ, केही परे ज्यानको जोखिम हुन्छ, ज्यान मार्न सक्छु भनेर बिरामी हेरिरहेको बेला दुर्व्यवहार गरेको जैशीले बताउनुभयो ।
डा. राजुराज जैशीले आफसू असुरक्षित भएको काम गर्ने वातावरण नभएको भन्दै बुढिनन्दा नगरपालिका र प्रमुख जिल्ला अधिकारी कृष्ण गैह्रेलाइ जानकारी गरिसकेको बताउनुभयो । प्रमुख जिल्ला अधिकारी गैह्रेले भने डाक्टरमाथि दुर्रव्यवहार भएको र ज्यान जोखिमको धम्कि दिएकोले मेखराज शाहीलाई नियन्त्रणमा लिन प्रहरीलाई निर्देशन दिइसकेको जानकारी दिनुभयो ।
बुढिनन्दा नगरपालिका नगरप्रमुख पदमकुमारी गिरीले पनि डा. राजुराज जैशीमाथि दुर्व्यवहार भएको खबर आएको तर सत्यतथ्य बुझ्न बाँकि रहेको बताउनुभयो । मेखराज शाहीले भने ज्यान मार्ने धम्कि नदिएको तर औषधि छैन भनेपछि बववाद भएको स्वीकार्नुभयो । कोल्टि प्राथमिक स्वास्थ्य केन्द्रमा बिगत १ वर्षदेखि चिकित्सक बिहिन बनेको थियो । बैशाख १५ गते जिल्ला अस्पताल बाजुराबाट डा. जैशी कोल्टि प्राथमिक स्वास्थ्य केन्द्र आउनुभएको थियो ।
तपाईँको अभिमत