काेराेनाबाट शिक्षण अस्पतालमा ४७ दिने शिशुको मृत्यु
मृत्यु हुनेको संख्या ३१ पुग्याे, चिकित्सक र नर्स क्वारेन्टाइनमा
काठमाडौं । त्रिवि शिक्षण अस्पताल महाराजगञ्जमा उपचाररत कोरोना संक्रमित शिशुको मृत्यु भएको छ । कोरोना संक्रमण पुष्टि भएका ४७ दिने शिशुको बुधबार बेलुका मृत्यु भएको शिक्षण अस्पताल स्रोतले जानकारी दिएको छ । जन्मेको ४५ दिनको दिन शिशुको घाँटीको शल्यक्रिया गरिएको थियो ।
सोही अस्पतालमा जन्मिएका शिशुमा विभिन्न स्वास्थ्य समस्या आएपछि अस्पतालमै रहँदै आएका थिए। घाँटीको शल्यक्रिया गर्नुअघि स्वाब संकलन गरी पीसीआर परीक्षण गर्दा मंगलबार कोरोना संक्रमण देखिएको थियो ।
अस्पतालको आइसोलेसेनमा उपचारत शिशुको मृत्यु भएपछि उनको सम्पर्कमा आएका चिकित्सक र स्वास्थयकर्मीहरु शिक्षण अस्पतालकै क्वारेन्टाइनमा बसेको स्रोतले जानकारी दिएको छ । शिशुकी आमाको भने कोरोना रिपोर्ट आउन बाँकी रहेको स्रोतको भनाइ छ।
यससँगै नेपालका कोरोनाका कारण मृत्यु हुनेको संख्या ३१ पुगेको छ ।
तपाईँको अभिमत