लकडाउन थपियो, काठमाडौं उपत्यका छिर्न निश्चित सर्त

काठमाडौं । सरकारले साउन सात गते सम्मका लागि लकडाउन थप्ने निर्णय गरेको छ । सोमबार बसेको मन्त्रिपरिपद बैठकले जेठ २८ देखि खुकुलो बनाएको मोडलमै साउन ७ गतेसम्म लकडाउन थप्ने निर्णय गरेको हो ।  सोमबार दिउसो बसको कोभिड–१९ क्राइसिस म्यानेजमेन्ट सेन्टर (सीसीएमसी)को बैठकले लकडाउनलाई थप कडाई गर्नुपर्नै निष्कर्ष निकाली मन्त्रिपरिषदमा प्रस्ताव लगेको थियो ।

कोरोना संक्रमितको संख्या निरन्तर बढेकाले लकडाउन थप खुकुलो बनाउन नहुने निष्कर्षसहित यस्तो निर्णय गरेको एक मन्त्रीले जानकारी दिनुभयो । 

सरकारले चैत ११ गतेदेखि लकडाउन गर्दै आएको छ । असार १ गतेदेखि निजी सवारी साधनलाई जोरबिजोर प्रणालीका आधारमा चल्न दिने, दुईपांगे्र सवारी साधन चल्न दिने, अत्यावश्यकीय सेवालाई सञ्चालन गर्न दिने निर्णय भएको थियो ।

विश्व स्वाथ्य संगठनले र स्वास्थ्य मन्त्रालयले बनाएको सुरक्षा मापदण्डलाई पालन गर्नलाई कठाई गरिने निर्णय भएको ती मन्त्रीले बताउनुभयो । सीमा नाका र अन्तर्राष्ट्रिय उडान पनि साउन ७ सम्मकै लागि बन्द गरिने निर्णय बैठकले गरेको छ । 

यसै बैठकले काठमाडौं उपत्यका भित्रिन चहानेहरुले निश्चित सर्त पालना गर्नुपर्ने निर्णय गरेको छ । सीसीएमसीको बैठकले अनिवार्य १४ दिन होम क्वारेन्टाइनमा बस्ने प्रतिबद्धतासहित स्थानीय तहबाट सिफारिस लिएर आउनेलाई उपत्यका भित्रिन दिने निर्णय गरेको थियो ।