आफ्नै छोरी बलात्कारको आरोपमा ३९ वर्षीय पुरुष पक्राउ

प्रतिकारात्मक तस्बिर
सल्यान । आफ्नै छोरीलाई बलात्कार गरेको आरोपमा सल्यान प्रहरीले ३९ वर्षीय पुरुषलाई पक्राउ गरेको छ। सल्यान जिल्ला, शारदा नगरपालिका–१२ का ३९ वर्षीय एक पुरुषले आफ्नै १३ वर्षीया छोरीलाई करणी गरेको आरोपका आधारमा पक्राउ गरिएको सल्यानका प्रमुख जिल्ला अधिकारी शिवराम पोख्ररेलले जानकारी दिनुभयो ।
घरमा कोही नभएको मौका छोपेर पटक पटक ती पुरुषले छोरीलाई बलात्कार गर्ने गरेको र घर नजिकैबाट उनलाई पक्राउ गरिएको प्रजिअ पोख्ररेलले जानकारी दिनुभयो । काठमाडौंमा आफन्तकोमा बस्दै आइरहेकी १३ वर्षीया बालिका लकडाउनको समयमा घर आएकी थिइन्।
उहाँका अनुसार वैशाख महिनादेखि नै विभिन्न डर त्रास देखाई करणी गरी रहेको गोप्य सूचनाका आधारमा बाबुलाई पक्राउ गरि अनुसन्धान सुरु गरिएको हाे। पक्राउ परेका व्यक्तिविरुद्ध जबर्जस्ती करणी तथा हाडनाता करणीसम्बन्धी मुद्दा दर्ता गरि जिल्ला अदालतबाट १० दिनको म्याद लिएर थप अनुसन्धान गरिदैछ, अहिले बालिकाको स्वास्थ्य अबस्था सामान्य छ । बृस्ति बिवरण अनुसंधान पछि थाहा हुनेनैछ प्रजिअ पोख्ररेलले भन्नुभयो ।
तपाईँको अभिमत