कर्णाली स्वास्थ्य विज्ञान प्रतिष्ठानका डाक्टर सहित स्वास्थ्यकर्मीलाई कोरोना
काठमाडौं । कर्णाली स्वास्थ्य विज्ञान प्रतिष्ठान जुम्लामा कार्यरत थप २ स्वास्थ्यकर्मीलाई कोरोना भाइरस रोग(कोभिड १९)को पुष्टि भएको छ । दुईमध्ये एक डाक्टर र अर्का एक स्वास्थ्यकर्मी हुनुहुन्छ ।
यसअघि प्रतिष्ठानमा कार्यरत ४ स्वास्थ्यकर्मीलाई कोरोना पुष्टि भएपछि असार १० र ११ गते प्रतिष्ठानका चिकित्सक, स्वास्थ्यकर्मी तथा कर्मचारीहरुको ल्याब परिक्षण गरिएकोमा थप २ जनालाई कोरोना पुष्टि भएको अस्पताल निर्देशक डा.मंगल रावलले जानकारी दिनुभयो ।
प्रतिष्ठानका कर्मचारी बाहेक सोही प्रतिष्ठानकै अस्पतालमा उपचाररत अर्का १ बिरामी र अन्य २२ जनालाई कोरोना पोजेटिभ देखिएको उहाँले बताउनुभयो । संक्रमित सबै प्रतिष्ठानको आईसुलेसन वार्डमा रहेको र निजहरुको स्वास्थ्य अवस्था सामान्य रहेको छ ।
यसअघि प्रतिष्ठानका फार्मसी,काउन्टर र ल्याबका गरि ४ जनालाई कोरोना पुष्टि भएको थियो ।
तपाईँको अभिमत