डिसेम्बरबाट युरोपका नागरिकले कोरोना विरुद्धको खोप पाउने
४० करोड डोज खोपका लागि सम्झौता पत्रमा हस्ताक्षर
काठमाडौं । युरोपमा अबको ६ महिनामा कोरोना भाइरस रोग(कोभिड १९) विरुद्धको खोप नागरिकका लागि ल्याइने भएको छ । इटाली, जर्मनी, फ्रान्स र नेदरल्याण्डले बेलायतको बायो फर्मास्यूटिकल्स कम्पनी एस्ट्राजेनेकासँग खोप उपलब्ध गराउने सम्झौता पत्रमा हस्ताक्षर गरेका छन् ।
इटालीका स्वास्थ्यमन्त्री रोबर्टाे स्पेरन्जाले फेसबुक मार्फत खोप उपलब्ध गराउने सम्बन्धमा भएको सम्झौताबारे जानकारी गराउनुभएको छ । उहाँका अनुसार युरोपका नागरिकहरुका लागि ४० करोड डोज खोप उपलब्ध गराउने सम्बन्धमा ४ देशले सम्झौता पत्रमा हस्ताक्षर गरेका छन् र एस्ट्राजेनेकाले यसै वर्षको अन्त्य अर्थात् डिसेम्बरमा पहिलो चरणमा खोप उपलब्ध गराउनेछ ।
एस्ट्राजेनेकाले अक्सफोर्ड यूनिभर्सिटिले विकास गरेको खोप उपलब्ध गराउनेछ जुन कोरोना उपचारमा प्रभावकारी छ । कोरोना विरुद्धको खोप विकासका लागि वैज्ञानिकहरु लागि परिरहेका छन् ।
कम्पनीले भनेअुनसार समयमा नै खोप उपलब्ध गराएमा अबको ६ महिनामा युरोपका नागरिकहरुले कोरोना विरुद्धको खोप पाउनेछन् ।
तपाईँको अभिमत