कान्ति बाल अस्पतालको ओपिडी टिकट घरबाटै लिन सकिने

स्वास्थ्यमन्त्री भानुभक्त ढकालले अनलाइन टिकट सेवाको शुभारम्भ गर्नुहुदै

हेल्थपाटी
जेष्ठ ३०, २०७७ १४:१० मा प्रकाशित

अ + अ -

काठमाडौं । कान्ति बाल अस्पतालमा अनलाईनबाटै ओपिडी सेवाको टिकट लिन सक्ने भएको छ । स्वास्थ्य तथा जनसंख्या मन्त्री भानुभक्त ढकालले अनलाइन टिकट सेवाको शुभारम्भ गर्नुभएको हो ।
अनलाइन टिकट सेवाको शुभारम्भ गर्दै मन्त्री ढकालले अब घण्टौ लाइनमा बसेर टिकट काट्नपर्ने सेवाग्राहीको समस्या हटेको बताउनुभयो ।

उहाँले अस्पतालका निर्देशक डा.कृष्ण पौडेलले सेवाग्राहीको मर्कालाई बुझेर अनलाइन टिकटको व्यवस्था गरिएको र यसबाट टिकट काट्ने झण्झट हटेको, रोग अनुसार सेवा छनौट गर्न सकिने भएकाले अब सेवाग्राहीको समय पनि बचत हुने बताउनुभयो । उहाँले भन्नुभयो हामी अस्पतालको वेवसाइटको काम भइरहेको छ केही समयमा नै ल्याव रिपोर्टहरु अनलाइन मार्फत नै उपलब्ध गराउने गृहकार्य भइरहेको छ ।

अनलाईन दर्ता शुल्क ३० रुपिया तोकिएको छ एकपटक दर्ता गरेपछि एक वर्षभित्र दर्ताशुल्क नलाग्ने र ओपिडी टिकटको ५० रुपिया लाग्ने अस्पतालले जनाएको छ । कान्ति चिल्ड्रेन हस्पिटल नामक एप्स मोबाइलमा डाउनलोड गरि टिकट लिन सक्ने व्यवस्था अस्पतालले गरेको छ ।