स्वास्थ्यकर्मीमाथि अर्काे हमला, ढुंगा प्रहार गर्दा घाइते

प्रतिकात्मक तस्बिर

हेल्थपाटी
जेष्ठ २८, २०७७ १३:०१ मा प्रकाशित

अ + अ -

काठमाडौं । क्वारेन्टाइनमा बसेकाहरुको स्वास्थ्य जाँच गर्दै आउनुभएका स्वास्थ्यकर्मीमाथि ढुंगा प्रहार हुँदा उहाँ घाइते हुनुभएको छ । बाजुराको त्रिवेणी नगरपालिका वडा न.१ को छतारा आधारभूत स्वास्थ्य सेवा केन्द्रमा कार्यरत अहेव राम बहादुर नेपालीमाथि बाटोमा ढुंगा प्रहार भएको हो ।

अहेव नेपाली नवज्योति वि.छतारामा रहेको क्वारेन्टाइनमा बसेकाहरुको स्वास्थ्य जाँच गर्न जादै गर्दा मंगलबार बाटोमा हिडीरहेको अबस्थामा त्रिवेणी न.पा. वडा न.१ छताराका ४५ बर्षका भिम बहादुर मिझारले ढुंगा प्रहार गरि घाइते बनाएका थिए ।

बाजुराका स्वास्थ्यकर्मीहरुले दोषिलाई कारबाहीको माग गर्दै स्वास्थ्यकर्मीलाई न्यायको माग गर्दै प्रमुख जिल्ला अधिकारीलाई ज्ञापनपत्र बुझाएका छन् ।