सिन्धुपाल्चोकमा क्वारेन्टाइनबाट घर गएका वृद्धको मृत्यु
काेराेना परीक्षणका लागि स्वाब संकलन
सिन्धुपाल्चोक । सिन्धुपाल्चोकमा क्वारेन्टाइनमा बसी फर्किएका ७० वर्षीय वृद्धको मृत्यु भएको छ । बैशाख ११ काठमाडौंबाट फर्किनुभएका चौतारा साँगाचोकगढी नगरपालिका–१३ का ७० वर्षीय वृद्धको शनिबार राति अचानक मृत्यु भएपछि गाउँमा त्रास फैलिएको छ। उहाँ १४ दिन मेलचौरमा स्थापना गरिएको क्वारेन्टाइनमा बसेर घर जानु भएको थियो ।
आरडीटी परीक्षणमा रिपोर्ट नेगेटिभ देखिएपछि क्वारेन्टाइन उहहाँलाई घर पठाइएको थियो। शनिबार राति नौ बजेतिर मुटु दुख्ने र श्वास–प्रस्वासमा समस्या देखिएपछि स्वास्थ्य केन्द्र लैजाँदै गर्दा बाटैमा उनको मृत्यु भएको वडा अध्यक्ष रामप्रसाद गौतमले जानकारी दिनुभयो।
‘क्वारेन्टाइन बसेर आएको भनी गाउँमा त्रास फैलिए पनि उनको हृदयघात भएको हुनसक्ने स्वास्थ्यकर्मीले अनुमान गरेका छन्। मृतकको स्वाबको नमुना संकलन गरी पीसीआर परीक्षणका लागि काठमाडौं पठाइएको र सुरक्षाको तबरले दाहसंस्कार गर्ने तयारी गरिएको वडाअध्यक्ष गौतमले बताउनुभयो।
तपाईँको अभिमत