विश्व स्वास्थ्य संगठनबारे ट्रम्पको निर्णयमा युरोपियन युनियनले यसो भन्यो
ब्रसेल्स । युरोपियन युनियन (ईयू) ले अमेरिकाले विश्व स्वास्थ्य संगठनसँगको सम्बन्ध तोड्ने गरेको निर्णयमा ‘पुनिर्विचार’ गर्न आग्रह गरेको छ । ईयूको कार्यकारी निकाय युरोपियन आयोगले शनिबार वक्तव्य जारी गर्दै अमेरिकालाई आफ्नो निर्णयमा पुनर्विचार गर्न भनेको हो ।
‘डब्लूएचओले वर्तमान र भविष्यका महामारीमा अन्तर्राष्ट्रिय जिम्मेवारीको नेतृत्व गर्न सक्षम हुन जरुरी छ र हुनेछ’, आयोगकी अध्यक्ष उर्सुला बन डेर लियन र विदेश मामिला प्रमुख जोसेफ बोरेलले संयुक्तरुपमा जारी गरेको वक्तव्यमा भनिएको छ ‘यसका लागि सबैको सहभागिता र सहयोग अत्यावश्यक छ ।’
अमेरिका डब्लूएचओमा सबभन्दा बढी योगदान गर्ने मुलुक हो । उसले हरेक वर्ष ४०० मिलियन डलर डब्लूएचको कोषमा सहयोग गर्दै आइरहेको छ । शुक्रबार अमेरिकी राष्ट्रपति डोनाल्ड ट्रम्पले डब्लूएचओसँगको सबै सम्बन्ध अन्त्य गर्ने घोषणा गरेका थिए । डब्लूएचओले कोरोना भाइरस (कोभिड–१९) महामारीका विरुद्ध प्रभावकारी कदम चाल्न नसकेको भन्दै उनले सम्बन्ध तोड्ने बताएका थिए ।
तपाईँको अभिमत