परिवारबाटै कोरोना संक्रमणको उच्च जोखिममा बालबालिका, १६ संक्रमित, कहाँ - कति ?(विवरण सहित)

संक्रमित हुनसक्ने व्यक्तिसंग सम्पर्क भएको थियो भने सहि सूचना दिनुपर्छ

काठमाडौ । नेपालमा पहिलोपटक माघ ९ गते कोरोना भाइरस रोगको संक्रमण देखिएको पुष्टि भयो । चीनको युहानबाट पुस २५ गते नेपाल आएका २२ वर्षका युवालाई संक्रमण देखिएको थियो । त्यसपछि नेपालमा ७० दिनपछि चैत १० मा कोरोनाको अर्काे नयाँ केस थपियो । फ्रान्सबाट आएकी १९ वर्षकी युवतिलाई संक्रमण देखियो । दोस्रो केस देखिएको २ दिन लगत्तै फेरि कतारबाट आएका धादिङका ३२ वर्षका युवालाइ संक्रमण पुष्टि भयो ।

पछिल्लो १४ दिनमा नेपालमा १६ जना १८ वर्षभन्दा मुनिका बालबालिकामा कोरोनाको पुष्टि भइसकेको छ

एउटा,दुई वटा गर्दै पछि केशहरु थपिदै गए । नवौ केससम्म आइपुग्दा नेपाल संक्रमणको दोस्रो चरणमा प्रवेश गर्यो । चैत २२ गते नेपाल संक्रमण दोस्रो चरणमा प्रवेश गर्यो अर्थात् नेपालमा लोकल ट्रान्सिमिशन भयो जोखिम झन– झन् बढ्दै गयो । जब प्रभावित देशमा गरिएको यात्रा ईतिहासबाट संक्रमण भएको व्यक्तिबाट अर्काे व्यक्तिमा संक्रमण हुन्छ भने त्यसलाई लोकल ट्रान्समिशन अथवा संक्रमणको दोस्रो अवस्था मानिन्छ ।

विदेशमा कोरोनाका कारण भएको मृत्यु र संक्रमण बढिरहेको सुनेर,देखेर तर्सिएका नेपालीलाई पनि अब कोरोना शब्द सामान्य लाग्दैछ । किनकी दिनदिनै दोहोरो अंकमा संक्रमणको पुष्टि भइरहेको छ । संक्रमितहरुको ट्रेसिङ दु्रत गतिमा अझै हुन सकिरहेको छैन जसका कारण जतिसक्दो छिटो परीक्षण हुन सकेको छैन ।

नेपालमा विगत ४ महिनादेखि सुरु भएको संक्रमणले २ जनाको मृत्यु भइसकेको छ ।  एक जना सुत्केरी र अर्का एक क्वारेन्टाइनमा रहेका युवकको मृत्यु भएको हो । हालसम्म नेपालमा ३५७ जनामा कोरोनाको पुष्टि भइसकेको छ । जसमा पुरुषको संख्या धेरै छ । कुल संक्रमित मध्ये पुरुषको संख्या २९८ छ भने महिलाको संख्या ५९ रहेको छ ।
पछिल्लो १४ दिनमा नेपालमा १६ जना १८ वर्षभन्दा मुनिका बालबालिकामा कोरोनाको पुष्टि भइसकेको छ ।

१२ जनालाई मात्र अक्सिजन चाहिने अवस्था आयो । १३ जनालाई भेन्टिलेटर नै चाहिने अवस्था थियो

यो जम्मा संख्याको ४.४८ प्रतिशत हो । जबकी विदेशमा करिव २ प्रतिशतको हाराहारीमा बालबालिकामा संक्रमण देखिएको छ । विश्वमा विशेषगरी चीन र अमेरिकामा गरिएका अध्ययनहरुका अनुसार बालबालिकाहरुमा कोरोनाको जोखिम कम भएको देखाएको छ । चीनमा ८२ हजार संक्रमित हुदा २ हजार १४३ करिब साँढे दुई प्रतिशत बालबालिकाहरु १८ वर्ष मुनिका बालबालिलकाहरु संक्रमित भए । जसमा ११२ जनालाई मात्र अक्सिजन चाहिने अवस्था आयो । १३ जनालाई भेन्टिलेटर नै चाहिने अवस्था थियो ।

अमेरिकामा पनि १ दशमलब ७ प्रतिशत बालबालिकालाई कोरोनाभाइरस पोजेटिभ देखिएको छ । यो कुल जनसंख्याको अनुपातमा धेरै कम हो । तर नेपालमा संक्रमित कुल संख्यामध्ये हालसम्म ६ प्रतिशत देखिनु धेरै रहेको कान्ति बाल अस्पतालका निर्देशक डा.कृष्ण पौडेल बताउनुहुन्छ ।संक्रमित बालबालिकामध्ये अधिकांसलाई आफ्नै आमा बुवाबाट संक्रमण भएको छ । यसरी बालबालिकामा संक्रमण धेरै देखिनुमा आइसोलेट भएर नबस्नु मुख्य कारण देखिएको छ ।

यतिखेर धेरै विद्यालय बन्द छन् । धेरै अविभावक पनि घरमै छन् । घरमा रहदा खेल्ने कुरा सुरक्षित हुनुपर्छ । बाहिर हिडडुल गर्न दिन हुदैन

संक्रमण प्रभावित देश,स्थानबाट घर आएकाहरु सुरुमा नै परिवारसंग आइसोलेट भएर नबस्दा बालबालिकामा संक्रमण देखिएको निर्देशक डा.पौडेल बताउनुहुन्छ । बाहिरबाट आएकाहरु घरमा नै छुट्टै क्वारेन्टाइनमा बसी परिवारसंग सम्पर्क टाढा राखेको भए अन्य परिवारका अन्य सदस्यलाई संक्रमण हुने थिएन उहाँ भन्नुहुन्छ अहिले पनि संक्रमण देखिएको व्यक्तिको टाढा राख्नुपर्छ । नत्र यसले भयावह अवस्था निम्तने छ ।

डा.कृष्ण पौडेल अगाडि भन्नुहुन्छ, यतिखेर धेरै विद्यालय बन्द छन् । धेरै अविभावक पनि घरमै छन् । घरमा रहदा खेल्ने कुरा सुरक्षित हुनुपर्छ । बाहिर हिडडुल गर्न दिन हुदैन । सिर्जनात्मक क्रियाकलापमा लगाउन सकिन्छ । जस्तै चित्रकला गराउन , कथा भन्न , सुनाउन र पढाउन सकिन्छ । बच्चाहरु मोबाइल लगायतका वस्तुमा भुल्ने हुनाले अविभावकको फुर्सद हुने हुनाले सिर्जनात्मक काममा लगाउन हुन अनुरोध गर्दछु । कोरोना सम्बन्धि सूचना बालबालिकालाई लुकाउनु हुदैन ।

उमेर अनुसार के बिमारी हो कस्तो, अवस्थामा सर्छ, सरसफाईमा ध्यान दिन लगाउने, भिडभाडमा जाँदा के हुन्छ भन्ने सूचना दिन सक्नुपर्छ । जसले गर्दा उनीहरुलाई तनाव हुदैन । यदि बालबालिलकामा उच्च ज्वरो र स्वासप्रश्वासको समस्या भएमा तत्काल स्वास्थ्य संस्थामा जानुहोला । संक्रमित हुनसक्ने व्यक्तिसंग सम्पर्क भएको थियो भने सहि सूचना दिनुपर्छ । जसले गर्दा स्वास्थ्यकर्मीले आफू सुरक्षित भएर तपाईका बच्चाको सहि उपचार गर्न सक्दछन् ।