शिक्षण अस्पतालकी संक्रमित बालिकालाई कोरोना उपचार यूनिटमा सारियो, ७८ जनाको स्वाब संकलन

काठमाडौं । शिक्षण अस्पताल महाराजगञ्मा उपचाररत ६ वर्षकी कोरोना संक्रमित बालिकालाई कोरोना उपचार यूनिटमा सारिएको छ । शिक्षण अस्पतालका अनुसार अस्पतालको अन्य नियमित स्वास्थ्य सेवा जारी छ ।  बालिकाको उपचारमा संलग्न

चिकित्सक,नर्स गरि हालसम्म ५५ जनाको स्वाब संकलन गरिएको छ भने बाँकीको स्वाब संकलन भइरहेको अस्पतालका कोभिड नाइन्टिन व्यवस्थापन समितिका संयोजक डा.सन्तकुमार दासले जानकारी दिनुभयो । उहाँका अनुसार बालिकाको उपचारमा संलग्न चिकित्सक,नर्स,बालिकासंग आएका आफन्त,बालिका राखिएको वार्डमा रहेका अन्य बिरामी तथा कुरुवा गरि ७८ जनाको स्वाब संकलन गरिनेछ ।  

यस्तै डाक्टर,नर्स लगायत गरि ३८ जना क्वारेन्टाइनमा बसिसकेको उहाँले बताउनुभयो । क्वारेन्टाइनका लागि अस्पताल वा आफ्नो घर तोकिएकामा धेरै जसो डाक्टरहरुले घरमा नै आइसोलेट भई बस्छु भनेकाले घरमा नै जानुभएको र केही डाक्टर र नर्स गरि २० जना  अस्पतालकै क्वारेन्टाइनमा बस्नुभएको छ डा.दासले भन्नुभयो अस्पतालको अन्य सबै सेवा चलिरहेको छ कुनै पनि सेवा रोकिएको छैन ।  बालिकालाई कपिलवस्तुबाट घाँटीको सर्जरीका लागि शिक्षण अस्पताल ल्याइएको थियो ।