लकडाउनमा काठमाडौंमै बिरामी बोकेको एम्बुलेन्समा लुटपाट,सुरक्षा चुनौती बढ्दाे

काठमाडौं । काठमाडौंको चन्दागिरिमा बिरामी बोकेको एम्बुलेन्स लुटिएको छ । स्थानिय जयराम गोपालिका ६५ वर्षका वुवालाई लडेर हातमा गम्भिर चोट लागेपछि हिजो उपचारका लागि काठमाडौं ट्रमा सेन्टर ल्याइएको थियो । उपचार गराई हिजो नै फर्कने क्रममा थानकोटबाट चित्लाङतर्फ जादा चन्दागिरिको वडा नम्वर ४ पानीघाटमा पर्ने जंगलमा मोटरसाइलमा समुह बाँधी आएका लुटेराले एम्बुलेन्स चालकलाई कुटपिट गरि नगद सहित मोबाईल लुटेको चित्लाङका स्थानियबासी उद्धव लामिछानेले जानकारी दिनुभयो ।

शिव शाही, रामभगत साही, सरोज बिसी, बाबुराज साही, राजकुमार साही, राजमगरले एम्बुलेन्स रोकी बिरामीलाई उपचार गर्न लगेको १८ हजार ३५० नगद र ३ थान मोबाइल लुटेको भनी एम्बुलेन्स चालक ईश्वर महर्जनले प्रहरीमा उजुरी दिनुभएको छ ।प्रदेश ३–०१–०२३ च ११०९ नम्वरको एम्बुलेन्स चालक महर्जनले प्रहरीमा दिनुभएको उजुरीमा आफहुरु बिरामी उपचार गरि फर्केको जानकारी गराउँदा गराउँदै लुटेराले कुटपिट गरि नगर र मोबाइल लुटेको जोहेरी दिनुभएको छ ।