भक्तपुरकी कोरोना संक्रमित र उनकी साथी पनि नर्स, अस्पतालका सम्पूर्ण कर्मचारीको परीक्षण हुँदै

भक्तपुर। भक्तपुरकी २५ वर्षिया संक्रमित महिला नर्स रहेको खुलेको छ।  सुनसरीबाट दुई दिनअघि मात्रै राजधानी आएकी उनी एक निजी अस्पतालमा कार्यरत हुन्।  उनीसँगै बस्ने अर्की साथी पनि उपत्यकाको एक अस्पतालमा कार्यरत नर्स रहेको बसेको खुल्न आएको छ । शहिद धर्मभक्त राष्ट्रिय प्रत्यारोपण केन्द्रमा कार्यरत नर्सको कोठामा संक्रमण देखिएकी नर्स बसेको पुष्टि भएको छ । हेल्थपाटीलाई उच्च श्रोतले दिएको जानकारी अनुसार अहिले संक्रमितसंग संगै बस्ने नर्सलाई अस्पताल ल्याएर स्वाब परीक्षण गरिदैछ ।

अस्पतालका सबै चिकित्सक,नर्स तथा  सम्पूर्ण कर्मचारीहरुको र्‍यापिड डायग्नोष्टिक टेस्ट (आरडिटि)  गर्ने तयारी भइरहेको अस्पतालमा कार्यरत एक चिकित्सकले हेल्थपाटीलाई बताउनुभयो । उहाँका अनुसार ती नर्सको स्वाब संकलन गरी परीक्षण गर्दा नेगेटिभ देखियो भने मात्र अरु नर्स तथा चिकित्सकलाई घर जान दिइने छ । ती नर्ससंग सम्मर्कमा आएका अन्य नर्स तथा अस्पतालका कर्मचारीहरुलाई समेत कोरोना परीक्षणको तयारी भइरहेको बुझिएको छ ।