५० हजार कोरोना परीक्षण किट मौज्दात छ : स्वास्थ्य मन्त्रालय
७८ जना पुरुष र ३१ जना महिला संक्रमित
हेल्थपाटी - बैशाख २७, २०७७ १६:३५ मा प्रकाशित
अ +
अ -
काठमाडौं,२७ बैशाख । स्वास्थ्य तथा जनसंख्या मन्त्रालयले किटको अभाव नरहेको बताएको छ । मन्त्रालयको नियमित प्रेस ब्रिफिङमा प्रवक्ता देवकोटाले ५० हजार किट मौज्दात रहेको बताउनुभयो ।
उहाँका अनुसार हालसम्म पिसिआरबाट १६ हजार ३०९ र र्यापिड् डायग्नोष्टिक टेस्टबाट ५५ हजार ९३० जनाको परीक्षण भएको छ जसमा पछिल्लो २४ घण्टामा दुबै विधिबाट १ हजार ७४२ जनाको परीक्षण भएको छ ।
हालसम्म १०९ जनामा कोरोना भाइरस रोगको पुष्टि भएको छ जसमा ७८ जना पुरुष र ३१ जना महिला रहेका छन् । सबैभन्दा धेरै संक्रमित प्रदेश नम्वर १ मा देखिएको छ । त्यहाँ ३४ जना संक्रमित भेटिए । यस्तै प्रदेश नम्वर २ मा ३१,बाग्मती प्रदेशमा ७,गण्डकी प्रदेशमा २,प्रदेश नम्वर ५ मा ३० र सुदुरपश्चिममा ५ जनालाई कोरोना संक्रमणको पुष्टि भएको छ । हिजो सेतीबाट ३५ औं दिनमा एक युवति डिस्चार्ज भएसंगै हालसम्म डिस्चार्ज हुनेको संख्या ३१ पुगेको छ ।
बीरगञ्जमा २७,विराटनगरमा २०,रुपन्देहीमा ६,नेपालगञ्जमा २४ र भरतपुरमा १ गरी ७८ जना सामान्य अवस्थामा उपचाररत हुनुन्छ । प्रवक्ता देवकोटाले आज क्वारेन्टाइनमा १४ हजार ५९२ र काठमाडौंमा २ र बाहिर १४१ गरि जम्मा १४३ जना आइसोलेसनमा रहेको बताउनुभयो ।
तपाईँको अभिमत