स्वास्थ्यकर्मीको सम्मानमा देशभर दीप प्रज्वलन

काठमाडौं,२५ वैशाख । कोरोना विरुद्धको लडाँइमा खटिरहेका स्वास्थ्यकर्मी,सुरक्षाकर्मी,सञ्चारमकर्मीको सम्मानमा देशभर दीप प्रज्वल्लन गरिएको छ । बुद्ध जयन्तीको अवसरमा कोभिड १९ रोकथाममा अग्रभागमा खटिएकाहरुको हौसलाका निम्ति प्रधानमन्त्री निवास बालुवाटारमा दिप प्रज्वलन गरिएको छ ।

स्वास्थ्य सेवा विभागले पनि आज विहिबार बेलुका दिप प्रज्वलन गरेको छ । कोभिड १९ रोकथाममा अग्रमोर्चामा खटिएका स्वास्थ्यकर्मी र सुरक्षाकर्मीलाई हौसला, संक्रमितको स्वास्थ्य लाभको कामना र मृतकको चिरशान्तिको कामना गर्दै दिप प्रज्वलन गरीएको हो । विभागका महानिर्देशक महेन्द्र श्रेष्ठ सहितको उपस्थितीमा  स्वास्थ्यकर्मि, सुरक्षाकर्मिको हौसलाका निम्ति दिप प्रज्वलन गरीएको हो ।

विभागका महानिर्देशक श्रेष्ठले स्वास्थ्यकर्मिको हौंसलाका लागि दिप प्रज्वलन गरीएको र आफूहरु निरन्तरण कोभिड १९ रोकथाममा खटिएको बताउनुभयो । उहाँले भन्नुभयो, आज बुद्ध जयन्ती पनि हो । र, अहिले स्वास्थ्यकर्मीहरु अग्रपंक्तीमा संक्रमितहरुको उपचारका साथै कोरोना रोकथाममा खटिनुभएको छ । उहाँको हौसलाका लागि विभागले पनि दिप प्रज्वलन कार्यक्रमको आयोजना गरेको हो ।

सो अवसरमा विभाग अन्तर्गत् व्यवस्थापन महाशाखाका निर्देशक भोगेन्द्र डोटेल, राष्ट्रिय जनस्वास्थ्य प्रयोगशालाका निर्देशक डा. रुणा झा, उपचारात्मक सेवा महाशाखाका प्रमुख डा.तारानाथ पोख्रेल, इपिडिमियोलोजि तथा रोग नियन्त्रण महाशाखाका निर्देशक डा. बासुदेव पाण्डे, विभागका जनस्वास्थ्य निरीक्षक मदनकुमार वली लगायतको उपस्थिती थियो । आज देशभर दिप प्रज्वलन गरीएको छ ।