नेपाल नर्सिङ संघकी पूर्व अध्यक्ष विष्णु राईको निधन : अस्पतालद्वारा पुष्टि
हेल्थपाटी - बैशाख २२, २०७७ १०:२२ मा प्रकाशित
अ +
अ -
काठमाडौं,२२ वैशाख । नेपाल नर्सिङ संघकी पुर्व अध्यक्ष विष्णु राईको निधन भएको छ । वीर अस्पतालमा उपचाररत राईको निधन भएको अस्पतालका निर्देशक डा. केदार सेन्चुरीले पुष्टि गर्नुभयो । उहाँका अनुसार घरमा कुर्सीबाट लडी टाउकोमा चोट लागेपछि उहाँलाई अस्पताल ल्याइएको थियो । लामो समय देखि दुईवटै मिर्गौला फेल भई डाइलाइसिस गर्दै आउनुभएकी राईको ७७ वर्षको उमेरमा उपचारका क्रममा निधन भएको हो ।
उहाँलाई मधुमेहको समस्या पनि थियो । राई नर्सिङ संघको १३ औं अध्यक्ष तथा ललितपुर नर्सिङ कलेजकी प्रमुख समेत हुनुथ्यो । ५७ वर्षदेखि नर्सिङ पेशामा आवद्ध भई उहाँले लाखौं बिरामीको उपचार तथा हेरचाह गर्नुभएको थियो । उहाँ पहिलो ख्रिष्टियन नेपाली नर्स हुनुन्थ्यो ।
तपाईँको अभिमत