विश्वभर कोरोना संक्रमित ३० लाख,२ लाख ८ हजारको मृत्यु
मानव अधिकार उल्लंघन हुनेमा राष्ट्रसंघको चिन्ता
हेल्थपाटी - बैशाख १६, २०७७ ०१:०५ मा प्रकाशित
अ +
अ -
काठमाडौं,१६ बैशाख । विश्वभर ३० लाख भन्दा बढी मानिसलाई कोरोना भाइरस रोगको संक्रमण भएको छ । जोन हप्किन्स यूनिभर्सिटिका अनुसार संक्रमणका कारण २ लाख ८ हजार मानिसको मृत्यु भएको छ भने ८ लाख ७८ हजार मानिस निको भएका छन् । इटाली,स्पेनमा संक्रमण घटेको छ भने पूर्वी यूरोप,ल्याटिन अमेरिका,अफ्रिकी र एसियाका राष्ट्रमा संक्रमण बढिरहेको छ ।
विश्वका धेरै देशहरुले संक्रमण नियन्त्रणका लागि लकडाउनलाई जारी राखेका छन् । अष्ट्रेलिया,न्यूजिल्याण्ड,इरान र स्पेनले लकडाउनलाई केही खुला गरेका छन् । इटालीले मे ४ देखि लकडाउन खुकुलो बनाउने घोषणा गरिसकेको छ । यसैबीच संयुक्त राष्ट्रसंघले कोरोना भाइरस संक्रमणका कारण मानव अधिकार हनन हुनेमा चिन्ता व्यक्ति गरेको छ । राष्ट्रसंघ प्रमुख एन्टोनियो गुटरेसले कोरोना भाइरस विरुद्ध लड्ने नाममा मानव अधिकार हनन हुन सक्नेप्रति चिन्ता व्यक्त गर्नुभएको हो ।
तपाईँको अभिमत