कोरोना नियन्त्रणमा नेपालकाे प्रयास प्रशंसनिय, व्यवस्थित उपचार
दक्षिणपूर्वि एसियामा संक्रमणको अवस्था
काठमाडौं,१४ बैशाख । दक्षिणपूर्वि एसियामा नेपालमा कोरोना भाइरस रोगको संक्रमणको अवस्था सामान्य रहेको छ । स्वास्थ्य तथा जनसंख्या मन्त्रालयका प्रवक्ता डा.विकास देवकोटाले दक्षिणपूर्वि एसियाका ११ वटा देशमध्ये संक्रमणबाट मृत्यु नभएको देशमा नेपाल दोस्रोमा रहेको बताउनुभयो ।
उहाँले नेपालमा हालसम्म संक्रमित मध्ये एक तिहाई बिरामी निको भइसकेको भन्दै नेपालले संक्रमण नियन्त्रणका लागि गरिररहेको काम व्यवस्थित रहेको बताउनुभयो । उहाँले कोरोना परीक्षण तथा उपचारमा भुटान र माल्दिभ्स पछि नेपालको अवस्था व्यवस्थित रहेको भन्दै सबै प्रदेश कोरोनाको उपचार गर्न सक्षम रहेको बताउनुभयो । आईतबार साँझसम्म ५२ जनामा कोरोना संक्रमणको पुष्टि भएको छ ।
प्रवक्ता देवकोटाले दक्षिणपूर्वि एसियामा भुटानमा सात जनामा संक्रमणको पुष्टि भएको र संक्रमणका कारण मृत्यु नभएको देशमा भुटान पहिलोमा रहेको जानकारी दिनुभयो । उहाँले भन्नुभयो ,इपिडिमियोलोजिष्ट र निरीक्षक कम रहेको अवस्थामा जनस्वास्थ्य विज्ञहरुले कोरोना संक्रमण नियन्त्रण अभियानमा गर्नुभएको सहयोगको धन्यवाद दिदै आगामी दिनमा पनि सल्लाह,सुझावको आवश्यक छ,सबै जना एक भएर लागेमा कोरोना लडाँइ जितिन्छ ।
नेपालमा दक्षिणपूर्वि एसियामा नै पहिलो पटक माघ ९ गते कोरोना संक्रमण देखिएको थियो । नेपालमा १६ जना संक्रमित निको भएर घर गइसक्नु भएको छ । बाँकी विराटनगरमा ३०,वीरगञ्जमा ३,भरतपुरमा १ र धनगढीमा १ जना सामान्य अवस्थामा उपचाररत हुनुन्छ ।
कोरोना संक्रमण नियन्त्रणका लागि नेपालले सुरुमा यात्रा प्रवेशमा रोक ,जनचेतना फैलाउने,क्वारेन्टाइनको व्यवस्था र विरामीको व्यवस्थापन गर्ने गरि चार वटा रणनीति अनुसार चलेकोमा संक्रमण बढेपछि छ ‘टी’ ( ट्राभल रेस्टिक्सन, टेस्ट, ट्रेसिङ, ट्रयाकिङ, ट्रिटमेन्ट, टुगेदर) नीति अनुसार अघि बढिरहेको छ । दक्षिणपुर्वि एसियामा नेपाल सहित माल्दिभ्स,टिमोर र भुटानमा संक्रमणका कारण मृत्यु भएको छैन ।
दक्षिणपूर्वि एसियामा कोरोना संक्रमणको अवस्था
दक्षिणपूर्वि एसियामा हालसम्म १ हजार ७ सय ७५ जनाको मृत्यु भएको छ भने ४४ हजार ५ सय ९२ जनामा संक्रमण पुष्टि भएको छ ।
भारत
विश्व स्वास्थ्य संगठनका अनुसार हालसम्म भारतमा ८ सय २४ जनाको मृत्यु भइसकेको छ भने २६ हजार ४ सय ९६ जनामा कोरोनाको संक्रमण पुष्टि भएको छ ।
ईण्डोनेसिया
७ सय ४३ जनाको मृत्यु हुनुका साथै ८ हजार ८ सय ८२ जनामा संक्रमण देखिएको छ ।
बंगलादेश
१ सय ४५ जनाको मृत्यु तथा ५ हजार ४ सय १६ मा संक्रमण पुष्टि भइसकेको छ ।
थाईल्याण्ड
५१ जनाको मृत्यु हुनुका साथै २ हजार ९ सय २२ जनामा संक्रमण देखिएको छ ।
श्रीलंका
७ जनाको मृत्यु हुनुका साथै ४ सय ६० जनामा संक्रमणको पुष्टि भएको छ ।
माल्दिभ्स
१ सय ८८ जनामा संक्रमणको पुष्टि भएको छ । हालसम्म मृत्यु भएको छैन ।
म्यानमार
५ जनाको मृत्यु भइसकेको छ भने १ सय ४६ जनामा पुष्टि भएको छ ।
नेपाल
नेपालमा ५१ ज्नामा संक्रमण भएको छ । मृत्यु भएको छैन।
टिमोरलेस्टे
२४ जनामा संक्रमण भएको छ । मृत्यु भएको छैन ।
भुटान
दक्षिणपूर्वि एसियामा सबैभन्दा कम संक्रमण भएको देश हो । सात जनामा संक्रमणको पुष्टि भएको छ । मृत्यु भएको छैन ।
तपाईँको अभिमत