चिकित्सकले अटेर गरेपछि स्वास्थ्य मन्त्रीलाई निर्देशक अवस्थीको पत्र
बाजुराको स्वास्थ्य केन्द्रमा चिकित्सक जान मानेनन्
हेल्थपाटी - बैशाख १३, २०७७ १६:०१ मा प्रकाशित
अ +
अ -
काठमाडौं,१३ बैशाख । बाजुराको कोल्टी प्राथमिक स्वास्थ्य केन्द्रमा चिकित्सकहरु जान नमानेपछि सुदूरपश्चिम प्रदेश स्वास्थ्य निर्देशनालयका निर्देशक डा. गुणराज अवस्थीले आफैँलाई काजमा खटाउन स्वास्थ्य मन्त्री भानुभक्त ढकाललाई पत्र लेख्नुभएको छ ।
निर्देशनालयले चिकित्सक लगायतको परिचालन गर्दा अटेर गरी बस्ने, निर्देशन नमान्ने गरेको उल्लेख गर्दै पत्रमा कोल्टी प्राथमिक स्वास्थ्य केन्द्रमा यथाशिघ्र चिकित्सकको व्यवस्था गर्न अथवा आफैलाई स्वास्थ्य केन्द्रमा खटाउन भनी स्वास्थ्य मन्त्री ढकाललाई पत्र लेख्नुभएको छ ।
निर्देशक अवस्थिको पत्रमा जिल्ला अस्पताल बाजुरामा कार्यरत एक जना चिकित्सकलाई कोल्टीमा खटाउन निर्देशनालयले पत्राचार गरे पनि अस्पतालले हाल कसैलाई पठाउन नसकिने जवाफ फर्काएको छ ।
‘जिल्ला अस्पतालले चिकित्सक पठाउन नसक्ने भनेपछि तत्काल पदपूर्ति गर्न पनि नसकिने भएकाले नेपाल सरकारको छात्रवृत्तिमा अध्ययनरत डा. राजुराज जैशीलाई कोरोना महामारी नियन्त्रण नहुँदा सम्म कोल्टी जान पत्र काटिएकोमा जैशीले पनि उक्त पत्रको अवज्ञा गर्नुभएको पनि पत्रमा उल्लेख गर्नुभएको छ । हेर्नुहोस् निर्देशक निर्देशक अवस्थीको पत्र:
तपाईँको अभिमत