कोरोनाले अमेरिकामा २ करोड ६० लाख बेरोजगार, ५० हजारको मृत्यु
एकैदिन ३ हजार ३ सय ३२ को मृत्यु, शताब्दीमै धेरै काम विहिन

अ +
अ -
काठमाडौं,१२ बैशाख । अमेरिकामा कोरोना भाइरस रोग संक्रमणका कारण एकै दिन अहिले सम्मको उच्च मृत्यु भएको छ । पछिल्लो २४ घण्टामा अमेरिकामा ३ हजार ३ सय ३२ जनाको मृत्यु भएको जोन्स हप्कीन्स यूनिभर्सिटीले जनाएको छ । यो मृत्यु संख्या अमेरिकामा महामारी सुरु भएयताकै धेरै रहेको छ । हालसम्म अमेरिकामा ५० हजार २ सय ४३ जनाको मृत्यु भएको छ भने ८ लाख ८६ हजार ७ सय ९ जनामा संक्रमणको पुष्टि भएको छ ।
यस्तै संक्रमण सुरु भएदेखि अमेरिकामा २ करोड ६० लाख मानिस बेरोजगार भएका छन् । प्रत्येक ६ अमेरिकी कामदार मध्ये एक जनाले रोजगार गुमाएका छन् जसका कारण डिप्रेशन बढेको छ । अमेरिकामा बेरोजगार भएको यो सन् १९३० दशक यताकै धेरै हो ।
तपाईँको अभिमत