डाक्टर र स्वास्थ्यकर्मीका लागि सुरक्षित बासको व्यवस्था गर्न माग

काठमाडौं,८ वैशाख । नेपाल चिकित्सक संघका पूर्व अध्यक्ष डा. केदारनरसिंह केसी लगायत केही चिकित्सक तथा नागरिक समाजका अगुवाहरुले कोरोना भाइरसको शंकास्पद केशमा अनिवार्य पीसीआरबाटै देशभर व्यापक परीक्षण गर्नुपर्ने आवाज उठाएकाछन् । उनीहरुले र्यापिड टेष्ट मार्फत परीक्षण गर्दा त्यस्को गुणस्तरीयता नभएको भन्दै पिसिआर प्रविधि मार्फत नै कोरोना परिक्षण गर्न सरकारलाई सुझाव दिएकाछन् ।

उनीहरुले आफ्नो ज्यानको बाजी लगाउँदै कोरोना महामारीसँग भिड्नका लागि युद्धमा होमिएका चिकित्सक तथा स्वास्थ्यकर्मीहरुलाई रोटेशनवाइज जिम्मेवारीमा लगाई स्वयंम संक्रमणबाट प्रभावित हुन सक्ने भएको हुनाले उनीहरुका लागि नेपाल सरकारले तत्कालै सुविधासम्पन्न स्थानमा सुरक्षितसाथ बस्ने वातावरण तयार गर्नुपर्ने माग गरेकाछन् ।

नेपाल चिकित्सक संघका पूर्व अध्यक्ष डा. केसीले नेपालमा स्वास्थ्यकर्मीलाई प्रर्याप्त मास्क र व्यक्तिगत सुरक्षा (पिपिइ) सामग्रीको अभाव छ रहेको भन्दै  त्यसका बाबजुद  संक्रमण फैलिन नदिनका लागि स्वास्थ्यकर्मी तथा चिकित्सकहरुको क्षमता अभिवृद्धि गर्न जरुरी रहेको बताउनुभयो । उहाँले सबैभन्दा पहिला स्वास्थ्य सेवा प्रवाहमा संलग्न हुने सम्पूर्ण स्वास्थ्यकर्मी, चिकित्सक, प्राविधिक कर्मचारीहरु, सरसफाईमा सहभागी हुने कर्मचारीहरु, एम्बुलेन्स चालक लगायत सम्पूर्णलाई उचित प्रशिक्षणको व्यवस्थापन गर्ने तथा उनीहरुको समेत कोभिड परीक्षण गराई संक्रमणसँग जुध्नसक्ने सक्षम जनशक्ति उत्पादन गर्न नेपाल सरकारले ठोस कदम अगाडी बढाउनु जरुरी रहेको बताउनुभयो ।

डा. केसीले  आपतकालिन संक्रमणको रोकथामका लागि लकडाउन निर्विकल्प उपाय भएको भएपनि दैनिक ज्यालादारी गरेर आफ्नो परिवारलाई पालिरहेका मजुदरहरुको जीवन रक्षाका निम्ती नेपाल सरकारले गुणस्तरीय राहत सामग्रीहरुको सहज उपलब्धता गराई वितरणलाई पारदर्शी र पक्षपात विहिन गराउन माग गर्नुभयो ।

हेरौं डा. केसी लगायतले निकाल्नुभएको प्रेस विज्ञप्तिः