अमेरिकाद्वारा विश्व स्वास्थ्य संगठनलाई दिदै आएको आर्थिक सहयोगमा रोक
कोरोना महामारीमा चीनको समर्थन गरेको आरोप
बैशाख,३ काठमाडौं । कोरोना भाइरसको महामारीमा चीनको समर्थन गरेको भन्दै अमेरिकाले विश्व स्वास्थ्य संगठन (डब्लुएचओ)लाई दिँदै आएको आर्थिक सहयोग रोक्ने निर्णय गरेको छ । नियमित पत्रकार सम्मेलनमा अमेरिकी राष्ट्रपति डोनाल्ड ट्रम्पले विश्व स्वास्थ्य संगठनका भूमिकाको समीक्षा प्रभावकारी नभएकोले डब्लुएचओलाई दिदै आएको सहयोग रोकेको जानकारी दिनुभयो । ट्रम्पले डब्लुएचओले कोरोना भाइरसबारे गलत सूचना दिएको आरोप लगाउँदै डब्लुएचओको गल्तीकै कारण विश्वभर कोरोना भाइरसका कारण धेरैले ज्यान गुमाइरहेको बताउनुभयो ।
संयुक्त राष्ट्रसंघ अन्तर्गतको डब्लुएचओलाई गत वर्ष अमेरिकाले मात्रै ४ सय मिलियन डलर उपलब्ध गराएको थियो । यो डब्लुएचओको कूल बजेटको करिब १५ प्रतिशत हो । अमेरिका कोरोना भाइरसबाट सबैभन्दा बढी प्रभावित देश हो । अमेरिकामा ५ लाख ९२ हजार ७ सय ४३ जनामा संक्रमण पुष्टि भएको छ भने २५ हजार २ सय ३९ जनाको मृत्यु भइसकेको छ ।
तपाईँको अभिमत