सिराहामा प्रहरी र स्थानियबीच झडप, डि.एस.पि. सहित ५ प्रहरी घाइते
काठमाडौं, २ बैशाख । लकडाउनको समयमा सिराहामा प्रहरी र स्थानियबीच झडप हुँदा प्रहरी नायब उपरिक्षक बिनोद घिमिरे सहित ५ जना प्रहरी घाइते भएका छन् । लकडाउन उल्लंघन गरेको निहुँमा सिराहा पटेबारमा हिजो सवा ७ बजेदेखि पौने आठ बजेसम्म प्रहरी र स्थानीय बासिन्दाबीच झडप भएको थियो ।
लकडाउनको उल्लंघन गरि एकै स्थानमा करिव २ सय जना भेला भएको र प्रहरीले सम्झाउदा उनीहरुले प्रहरी माथि ढुंगाप्रहार गरेपछि स्थिति तनाव ग्रस्त भएको थियो । कोरोना भाइरस विश्वभर त्रास फैलाएको अवस्थामा नेपाल सरकार कोरोनाको रोकथाम गर्नको लागि देशव्यापी लकडाउन गरेको छ । त्यसैक्रममा सिरहाको पटेर्वामा लकडाउन उल्लंघन गरेको भन्दै प्रहरीले स्थानीयलाई कुटेपछि झडप भएको स्थानीयको आरोप छ ।
स्थितिलाई नियन्त्रणमा लिन प्रहरीले २३ राउण्ड हवाई फायर गरेको थियो । झडपका क्रममा प्रहरी जवान विनोद श्रेष्ठको आँखामाथि चोट लागेको छ । प्रहरीले घटनामा सहभागि १५ जनालाई नियन्त्रणमा लिएको छ । नियन्त्रणमा लिएका मध्ये ३–४ जना बृद्दालाई छोडिएको प्रमुख जिल्ला अधिकारी सरोजप्रसाद गुरागाइँले जानकारी दिनुभयो ।
तपाईँको अभिमत