कोरोनाका कारण ५२ हजारको मृत्यु , १० लाख संक्रमित
अमेरिकाको न्यूयोर्क अति प्रभावित
काठमाडौं,२१ चैत । कोरोना भाइरस रोगको संक्रमणबाट मृत्यु हुनेको संख्या ५२ हजार नाघेको छ भने संक्रमणको संख्या १० लाख १४ हजार पुगेको छ । अमेरिकाको जोन्स होप्कीन्स् विश्वविद्यालयका अनुसार अमेरिकामा मात्रै २ लाख ४४ हजार मानिसमा संक्रमणको पुष्टि भएको छ भने कम्तिमा ५ हजार ९ सय संक्रमितको मृत्यु भएको छ ।
अमेरिका
अमेरिकाको अति प्रभावित राज्य न्यूयोर्कमा संक्रमितको संख्या दिनदिनै बढिरहदा भेन्टिलेटरको अभाव भएको छ । गर्भनर एन्ड्रीउ कुमोले भन्नुभयो,संक्रमितलाई भेन्टिलेटरको युनिटमा ल्याइन्छ उनीहरुलाई भेन्टिलेटरको आवश्यक छ तर भेन्टिलेटरको अभाव छ । १७ हजार भेन्टिलेटर खरिद गरिसकेको भएपनि चीनबाट आउनपर्ने हुँदा अझै आफ्नो राज्यमा आइनपुगेको गर्भनर कुमोले बताउनुभयो ।
इटालीमा मृत्यु धेरै
इटालीमा १३ हजार ९ सय संक्रमितको मृत्यु भएको छ ।
स्पेनमा अहिले सम्मकै उच्च मृत्यु
स्पेनमा कोरोना भाइरस संक्रमणबाट १० हजार ३ सय ४८ जनाको मृत्यु भएको छ । स्पेनमा बिहीबार महामारी सुरु भएयताकै उच्च मृत्यु । बिहीबार १ हजार भन्दा बढीको मृत्यु भयो भने हाल सम्म संक्रमितको संख्या १ लाख १२ हजार ६५ पुगेको छ ।
तपाईँको अभिमत