कान्तिबाल अस्पतालमा रियल टाइम डिस्प्ले मोनिटर
आइसीयू खाली भए / नभएको प्रत्यक्ष हेन मिल्ने
हेल्थपाटी - चैत्र २०, २०७६ २२:०१ मा प्रकाशित
अ +
अ -
काठमाडौँ, २० चैत । कान्तिबाल अस्पतालमा आइसीयू बेड खाली रहे/ नरहेको हेर्न रियल टाइम डिस्प्ले मोनिटर राखिएको छ । ईमरजेन्सी अगाडी राखिएको डिस्प्ले मोनिटरबाट सेवाग्राही आफैले बेडमा बिरामी भए/नभएको जानकारी लिन सक्नेछन् । अस्पतालका निर्देशक डा.कृष्ण पौडेलले अस्पतालमा आइसीयू बेड नपाएपछि प्रायःजसो झगडा हुने र बिभिन्न आरोप लाग्ने गरेकोमा डिस्प्ले मोनिटर राखिएपछि यो समस्याको हल हुनेमा विश्वस्त व्यक्त गर्नुभयो । उहाँले डिस्प्ले मार्फत बिरामी तथा आफन्तले बेड खाली भए नभएको प्रत्यक्ष देख्न सकिने बताउनुभयो ।
कान्तिबाल अस्पतालमा एनआईएमसीयू १५, एनआईसीयू १२, पीआईसीयू १०, पीआईएमसीयू ८, एसआईसीयू ७ गरी ५२ बेड रहेका छन् । मोनिटरको योजना राख्ने योजना पहिलेकै भएपनि कार्यान्यन भएको थिएन ।
तपाईँको अभिमत