दिल्ली सरकारले एक करोड दिंदा, राउत भन्छन् लाइसेन्स खारेज गछौं

काठमाडौं,२० चैत । भारतस्थित दिल्ली सरकारले स्विपरदेखि चिकित्सक सम्मलाई आफ्नो राज्यभित्र कोरोना भाइरस संक्रमणको बिरामीलाई सेवा दिने क्रममा मृत्यु भएमा परिवारलाई एक करोड दिने घोषणा गरेको छ । नेपालको प्रदेश नम्बर दुइका मुख्यमन्त्री लालबाबु राउतले भने चिकित्सक र स्वास्थ्यकर्मीलाई प्रोत्साहन त परै जाओस् चिकित्सकहरुलाई बैठक बसिरहेकै अवस्थामा लाइसेन्स खारेज गर्ने र चिकित्सकहरुलाई थुनामा राख्न आदेश दिए । मन्त्री राउतले पीपीई र उपचारको सम्बन्धमा यस्तो आदेश दिएका थिए ।

भारतमा स्वीपर, हेल्पर, कार्यालय सहयोगी देखि चिकित्सकलाई भत्ता, अन्य सुविधा सहित कोरोना भाईरसको उपचारमा प्रत्यक्ष संलग्न परिवारलाई एक करोड भारतीय रुपैँया दिने भएको छ । मुख्यमन्त्री अरविन्द केजरीवालले उनीहरूलाई आर्थिक राहत स्वरुप एक करोड रुपैँया दिने घोषणा गर्नुभएको हो । दिल्ली सरकारले सरकारी अस्पतालमा खटिने चिकित्सकलाई मात्र होइन  नीजि क्षेत्रबाट कोरोनाको उपचारमा खटिनेहरुलाई समेत सुविधा घोषणा गर्नुभएको हो ।

त्यस्तैं डोल्पा जिल्लाका प्रमुख जिल्ला अधिकारी सुरेश सुनारले बिरामीहरुको उपचारका क्रममा चिकित्सकलाई थुनामा राख्ने आदेश दिनुभएको थियो । यस घटनाको चिकित्सक लगायत स्वास्थ्यकर्मी सम्मिलित विभिन्न संघसंस्थाहरुले घोर भत्र्सना गरेका छन् ।