र्‍यापिड टेष्ट किटबारे भ्रममा नपर्न स्वास्थ्य मन्त्रालयको आग्रह 

बजारमा र्‍यापिड टेष्ट किट भित्र्याई जनमासलाई भ्रममा पारी परीक्षण गर्न सुरु भइसकेको गुनासो आएपछि सरकारले यसलाई नियन्त्रण गर्न अनुमति नदिई  किटको प्रयोग नगर्न निर्देशन दिएको  कार्कीले बताउनुभयो, यसलाई अन्यथा लिन भएन ।

काठमाडौं, १९ चैत । सरकारले ल्याएको र्यापिड टेष्ट किटको गुणस्तर निक्र्यौल गरेपछि मात्रै प्रयोग हुने स्पष्ट पारेको छ । र्यापिड किटका सम्बन्धमा विभिन्न सञ्चार माध्यममा आएको समाचारप्रति ध्यानाकर्षण भएको भन्दै स्वास्थ्य तथा जनसंख्या मन्त्रालयका विज्ञ सल्लाहकार डा. खेम कार्कीले र्यापिड किटको विकृति सुरु भइसकेको गुनासो आएपछि यसलाई रोक्नको लागि मन्त्रालयले आफ्नो धारणा सार्वजनिक गरेपछि सञ्चार माध्यामहरुमा दुविधापूर्ण समाचार आएकोमा आफ्नो ध्यानाकर्षण भएको बताउनुभयो । 

स्वास्थ्य मन्त्रालयले गरेको नियमित पत्रकार सम्मेलनमा आफूले बजारमा र्यापिड किटको प्रयोग गरी कोरोना परीक्षण गरेको गुनासो आएपछि गुणस्तर मापन नगरिएको र स्वास्थ्य मन्त्रालयको अनुमतिबिना परीक्षण गर्न नहुने बताएकोमा विभिन्न सञ्चार माध्यामहरुबाट फरक अर्थ लाग्ने समाचारहरु प्रकाशन तथा प्रशारण भएको र यसले आम जनमानसमा दुविधा सिर्जना गरेको बताउनुभयो । 

अहिले नीजि क्षेत्रले पनि र्यापिड टेष्ट किट ल्याएका छन् । १२ सय पर्ने किट मार्फत परीक्षण गरि १६ हजारसम्म लिएको गुनासो आएको छ ।

डा. कार्कीले सरकारले चीनबाट खरिद गरी ल्याएको र्यापिड टेष्ट किट चीन सरकार र युरोपियन युनिएनले प्रमाणित गरेको किट रहेको उहाँले बताउनुभयो । उक्त किटको गुणस्तर पुनः नेपाल स्वास्थ्य अनुसन्धान परिषदले जाँच गरी प्रमाणित गरेपछि आवश्यक परेमा मात्र प्रयोग गर्ने बताउनुभयो । उहाँले नेपालमा महामारी फैलिहालेमा हाल नेपालमा भइरहेको पिसिआर मेसिनले धान्न नसक्ने अवस्थामा पहिलो पटक संकास्पदको स्क्रिनिङ गर्नको लागि प्रयोग गरिने बताउनुभयो । अहिले युरोप, अमेरिकाले पनि एकै पटक धेरै व्यक्तिको परीक्षण गर्नुपर्दा यहि विधि अपनाइरहेको जानकारी दिनुभयो ।

यदि किट गुणस्तरीय छैन भने किट फिर्ता गरिने पनि उहाँले बताउनुभयो । अहिले स्पेनमा पनि गुणस्तरीय किट नगएपछि फिर्ता गरिएको छ । गुणस्तरीय किट प्रयोग हुनुपर्यो र सरकारको अनुमतिमा मात्र प्रयोग हुनुपर्छ भन्ने मन्त्रालयको धारणा रहेको पनि प्रष्ट पार्नुभयो । आफूले अनुमतिबिना गुणस्तरहिन किटको जथाभावी प्रयोग नगर्न सुझाएको बताउनुभयो । 

महामारीको समयमा फाइदा उठाई नागरिकको स्वास्थ्यमा चरम लापरबाही  पूर्वक परीक्षण हुने क्रम सुरु भएको पाइएकाले यसलाई नियन्त्रण गर्न खोजिएको हो
 

बजारमा र्यापिड किट भित्र्याई जनमासलाई भ्रममा पारी परीक्षण गर्न सुरु भइसकेको गुनासो आएपछि सरकारले यसलाई नियन्त्रण गर्न अनुमति नदिई र्यापिड किटको प्रयोग नगर्न निर्देशन दिएको हो । कार्कीले भन्नुभयो, यसलाई अन्यथा लिन भएन यो संकटको बेला सबैको साथ सहयोगको आवश्यकता छ महामारीलाई रोक्न सरकारले कुनै पनि कसर बाँकी राख्ने छैन । 

अहिले नीजि क्षेत्रले पनि र्यापिड टेष्ट किट ल्याएका छन् । १२ सय पर्ने किट मार्फत परीक्षण गरि १६ हजारसम्म लिएको गुनासो आएको छ । त्यसैले यस्तो महामारीको समयमा फाइदा उठाई नागरिकको स्वास्थ्यमा चरम लापरबाहीपूर्वक परीक्षण हुने क्रम सुरु भएको पाइएकाले यसलाई नियन्त्रण गर्न खोजिएको हो ।