स्पेनमा कोरोनाबाट आज ७ सय ६९ जनाको मृत्यु
९ हजार ४ सय बढी स्वास्थ्यकर्मीलाई संक्रमण
हेल्थपाटी - चैत्र १४, २०७६ २२:१४ मा प्रकाशित
अ +
अ -
काठमाडौं, १४ चैत । कोरोना भाइरस रोगका कारण स्पेनमा एकैदिन ७ सय ६९ जनाको मृत्यु भएको छ । यो सँगै स्पेनमा मृत्यु हुनेको संख्या ४ हजार ८ सय ५८ पुगेको छ । स्पेनमा दिनदिनै संक्रमणबाट मृत्यु हुने संख्या बढिरहेको छ । स्वास्थ्य आकस्मिक प्रमुख फरनान्दो सिमोनले पत्रकार सम्मेलनमा भन्नुभयो आज हिजोको भन्दा बढी मानिसको मृत्यु भएको छ । यो सत्य हो कि पछिल्लो तीन दिनमा संक्रमणको दर स्थिर छ ।
उहाँले ९ हजार ४ सय स्वास्थ्यकर्मीलाई कोरोनाको संक्रमण पुष्टि भएको जानकारी दिनुभयो । यो संख्या जम्मा संक्रमित मध्ये १५ प्रतिशत हो । रियल मेड्रिडको फुटबल मैदानलाई मेडिकल सामग्री भण्डारणमा परिणत गरिएको छ । दिनहुँ संक्रमण बढिरहेपछि स्पेनमा अप्रिल १२ सम्म थप १५ दिनलाई लकडाउनको समय बढाइएको छ । मानवीय क्षति धेरै हुने देशमा विश्वमा स्पेन इटाली पछि दोस्रोमा परेको छ । ६४ हजार ५९ जनामा संक्रमण पुष्टि भएको छ ।
तपाईँको अभिमत