तत्काल कोरोना संक्रमण रोक्न विश्व स्वास्थ्य संगठनको ६ सुझाव
काठमाडौं,१३ चैत । विश्व स्वास्थ्य संगठन(डब्ल्यूएचओ) ले कोरोना भाइरस रोगको संक्रमणलाई रोक्न विश्वलाई ६ बुँदे सुझाव दिएको छ । जेनेभामा मिडिया बिफ्रिङका क्रममा महानिर्देशक डा.अधानोम टेड्रोसले संक्रमणलाई रोक्ने कुरा देशको कार्ययोजना र कार्यान्वयनमा भर पर्ने बताउनुभयो । उहाँले ब्रिफिङका क्रममा बुधबार भन्नुभयो, हामीले १६ हजार भन्दा बढीलाई गुमाइसक्यौं । हामीलाई थाहा छ यो संख्या अझै बढ्न सक्छ यसको निर्धारण आज हामीले गर्ने निर्णय र कार्यान्वयनले गर्दछ ।
नियन्त्रणमा केन्द्रित हुन आग्रह गर्दै उहाँले यसअघि पनि हामीले धेरै महामारी र संकटको सामाना गरिसकेका छौ र भविष्यमा पनि यस्तो अवस्था फेरि आउन सक्छ प्रश्न यो हो कि यसको मुल्य कति चुकाउनुपर्छ भन्ने हो अहिलेको समय हाम्रो लागि सिक्ने र जान्ने अवसर पनि हो यसको उपयोग गर्न महानिर्देशक टेड्रोसले सुझाव दिनुभयो । विश्व स्वास्थ्य संगठनले नियन्त्रणका लागि विश्वलाई सिफरिस गरेको ६ उपाय र कार्यान्वयनको नीति :
१.आफूसँग भएको स्वास्थ्य सेवालाई बृद्दि गर्ने । त्यसका लागि स्वास्थ्यकर्मीलाई आवश्यक तालिम दिई दक्ष बनाई परिचालन गर्ने ।
२.समुदायमा रहेका कोरोनाका हरेक शंकास्पद व्यक्तिको खोजी गर्ने । खोजीका लागि पद्धतिको विकास गरि त्यसको कार्यान्वयन तुरुन्तै गर्ने ।
३. परीक्षण सामग्रीको उत्पादन एवं परीक्षणको दायरा र क्षमतालाई बढाउने ।
४.बिरामीको पहिचान गरिसकेपछि तुरुन्तै अस्पताल पुर्याउने र बिरामीको आवश्यकता अनुसार उपचार गर्ने,बिरामीमा कस्तो समस्या देखिन्छ सोही अनुसार उपचार अघि बढाउने ।
५.क्वारेन्टाइनको सम्पर्कलाई बढाउन सबै राष्ट्रले स्पष्ट योजना, नीति र प्रक्रृया निर्माण गर्ने ।
६.सम्पूर्ण राष्ट्र नियन्त्रणमा नै पुनः केन्द्रित भई संकट निवारण गर्ने ।
तपाईँको अभिमत