५ दिनपछि मात्रै कोरोनाको लक्षण देखिएको थियो तेस्रो संक्रमितलाई
हेल्थपाटी - चैत्र १२, २०७६ १७:०६ मा प्रकाशित
अ +
अ -
काठमाडौं, १२ चैत । स्वास्थ्य तथा जनसख्या मन्त्रालयले युएईबाट आएका ३२ वर्षका युवकलाई कोरोना भाइरस संक्रमणको पुष्टि भएको जानकारी दिएको छ ।
स्वास्थ्य तथा जनसंख्या मन्त्री भानुभक्त ढकालले नेपाल टेलिभिजन मार्फत प्रेस ब्रिफिङ गर्दै थप एक जनामा कोरोना भाइरसको पुष्टि भएको जानकारी दिनुभएको हो । मन्त्री ढकालले चैत ६ गते नेपाल आउनुभएका धादिङका ३२ वर्षका युवकको मंगलबार स्वाब परीक्षण गर्दा रिपोर्ट पोजेटिभ आएको जानकारी दिनुभयो ।
चैत ६ गते नेपाल आइपुग्नुभएका ती युवा होटलमा बसेको र हिजो स्वास्थ्यमा असहज भएपछि टेकु अस्पताल पुगेको जानकारी मन्त्री ढकालले गराउनुभयो । उहाँसँग सम्पर्कमा आएका व्यक्तिको खोजी सुरु भइसकेको पनि उहाँले बताउनुभयो । संक्रमण पुष्टि हुनुभएका युवा चैत ६ गते युएईबाट एयर अरेबियाको फ्लाइट नम्बर जी ९५३७ मा राती १०ः०९ बजे त्रिभुवन विमानस्थलमा अवतरण हुनुभएको थियो ।
तपाईँको अभिमत