ब्रेकिङ न्यूज : नेपालमा १ जनामा कोरोना संक्रमण, स्वास्थ्य मन्त्रालयद्वारा पुष्टि
जगन्नाथ ढकाल- चैत्र १०, २०७६ १२:२६ मा प्रकाशित
अ +
अ -
काठमाडौं, १० चैत । नेपालमा १ जनामा कोरोना भाइरस संक्रमणको पुष्टि भएको छ । स्वास्थ्य तथा जनासंख्या मन्त्रालयले आकस्मिक पत्रकार सम्मेलन गरि कोरोना भएको पुष्टि गरेको हो । यसअघि नेपालमा एक जनामा पुष्टि भएको थियो । गत चैत ४ गते फ्रान्सबाट नेपाल आएकी १९ वर्षकी नेपाली विद्यार्थीलाई कोरोना भाइरस पुष्टि भएको हो ।
उहाँ घरमा क्वारेन्टाइनमा बसिरहेको अवस्थामा चैत ९ गते नमुना परीक्षण गर्दा रिपोर्ट पोजेटिभ आएपछि उहाँलाई टेकु अस्पतालमा आइसोलेशनमा राखिएको छ । उहाँको परिवारलाई आइसोलेसनमा राखिएको र सम्पर्कमा आएका बाँकी व्यक्तिलाई खोजी गरिरहेको स्वास्थ्य मन्त्री भानुभक्त ढकालले पत्रकार सम्मेलनमा जानकारी गराउनुभयो । उहाँले संक्रमण नियन्त्रणका लागि कुनै कसर बाँकी नराख्ने भन्दै नआत्तिन आग्रह गर्नुभयो । यो सहित नेपालमा कोरोनाको पुष्टि हुनेको संख्या २ पुगेको छ ।
सरकारले कोरोना भाइरस संक्रमण नियन्त्रणका लागि उच्च सतकर्ता अपनाउदै अन्तर्राष्ट्रिय उडान बन्द गर्नुका साथै लामो यात्राका सवारी साधन सञ्चालनमा रोक लगाइसकेको छ । विद्यालयहरु बन्द छन् ।
हेर्नुस् विज्ञप्ति:
तपाईँको अभिमत