नेपालको कोरोना केस सम्बन्धमा वर्ल्ड मिटरले सच्यायो तथ्यांक
हरियोबाट पहेँलो लाइनमा परिर्वतन फेरि हरियो लाइनमा नै
काठमाडौैं, ९ चैत । विश्वको कोरोना संक्रमण बारे तथ्यांक अपडेट गर्दै आएको वर्ल्ड मिटरले नेपालमा एक नयाँ केस देखिएको भनी राखेको तथ्यांक सच्याएको छ । हरियोबाट पहेँलो लाइनमा राखेको नेपाललाई सच्याएर फेरि हरियो लाइनमा नै राखेको छ । पर्साको वीरगञ्जमा एक जनाको कोरोनाको पुष्टि भएको समाचार आइरहँदा वर्ल्ड मिटरले नयाँ केस थपिएको आफ्नो तथ्यांकमा नेपाललाई पहेँलो लाइन सहित राखेको थियो ।
नेपालको यो तथ्यांकपछि कोरोनाबारे विश्वको जानकारी दिइरहेको वर्ल्डमिटरको विश्वसनियतामा प्रश्न उठेको छ । यद्यपि वीरगञ्जका व्यवसायी शिव रुङ्गटालाई कोरोना नभएको पुष्टि भइसकेको छ । उहाँका बाबु मुरलीधर रुङ्गटाले आफ्नो छोरालाई कोरोना पुष्टि नभएको रिपोर्ट अस्पतालले दिएको बताउनुभयो ।
रुङ्गटा उपचाररत पटनाको राजेन्द्र मेमोरियल रिसर्च इन्सिच्युट अफ मेडिकल साइन्स (आइसिएमआर) ले कोरोना नेगेटिभ आएको जानकारी आफन्तलाई दिएको छ । हेर्नुहोस् तथ्यांक परिवर्तन:
एक घण्टा पहिले
अहिले
तपाईँको अभिमत