कतारको सम्पूर्ण उद्योग व्यवसाय बन्द, नेपालीको तलव नरोकिने
हेल्थपाटी - चैत्र ०५, २०७६ १०:१३ मा प्रकाशित
अ +
अ -
काठमाडौं, ५ चैत । कोरोनाको संक्रमण नियन्त्रणका लागि कतारमा औद्योगिक क्षेत्र बन्द गरिएको छ । महामारी नियन्त्रण उच्च समितिले कोरोना संक्रमण रोकथामका लागि १४ दिनका लागि उद्योग धन्दा बन्द गरेको जनाएको छ । समितिका अनुसार उद्योग बन्द अवधिभरको तलब सबै कामदारले पाउनेछन् । यसबाट नेपालीहरुले पनि केही राहत महसुस गरेका छन् । कतारमा ४ सय ४२ जनामा संक्रमणको पुुष्टि भइसकेको छ ।
सम्पूर्ण पसल, बैक तथा व्यवसायिक मलहरु बन्द गरिएको छ । खाद्यान्नको सामान तथा फार्मेसी खुला छन् । गैर नागरिकलाई आफ्नो देश प्रवेशमा रोक लगाउनुका साथै रेष्टुरेन्ट, बार, विद्यालय, सिनेमा तथा खेलकुदका गतिविधिमा यसअघि नै कतारले रोक लगाइसकेको छ । सामाजिक भेटघाटलाई २ हप्तासम्म बन्द गर्न भनिएको छ। अनावश्यक बाहिर ननिस्कन निर्देशन दिइएको छ ।
एजेन्सी
तपाईँको अभिमत