२५ वर्षीया आमाबाट तिम्ल्याहा शिशु जन्मिए : सबै स्वस्थ्य

हेल्थपाटी
फाल्गुन २९, २०७६ २०:०८ मा प्रकाशित

अ + अ -

धनगढी, २९ फागुन । धनगढीस्थित निसर्ग हस्पिटल एन्ड रिसर्च सेन्टरमा २५ वर्षीया युवती तिम्ल्याहा सन्तानकी आमा बन्नुभएको छ । धनगढी उपमहानगरपालिका ७, देवरियाकी सज्जनदेवी डगौंरा दोस्रोपटक आमा बन्नुभएको हो । उहाँले निसर्ग अस्पतालमा एक छोरी र दुई छोरा स्वस्थ्य अवस्थामा जन्माउनु भएको अस्पतालले जनाएको छ ।

सज्जनका श्रीमान शिवचरण डगौराका अनुसार छोरीको तौल २१ सय ग्राम छ भने छोराहरु २६ र २३ सय ग्रामका छन् । अप्रेसन गरेर सन्तान जन्माएपछि आमा र शिशुहरूको अवस्था सामान्य रहेको अस्पतालले जनाएको छ ।