क्वारेन्टाइन व्यवस्थापनमा नेतृत्व लिएका तीन महिला
तीन दिनमा रातारात बनाइएको थियो क्वारेन्टाइन
तुलसा घिमिरे- फाल्गुन २०, २०७६ १०:३० मा प्रकाशित
अ +
अ -
काठमाडौं, २० फागुन । क्वारेन्टाइन व्यवस्थापनमा मुख्य नेतृत्वको जिम्मेवारी भक्तपुरका प्रमुख जिल्ला अधिकारी हुमकला पाण्डेको थियो । स्वास्थ्यमा नेपाली सेनाका कर्नेल डा.मुन थापा र सरसफाइमा कृपा मगर हुनुन्थ्यो ।
उहाँहरुको कमाण्डमा क्वारेन्टाइनमा सुरक्षाकर्मी, एम्बुलेन्स, भान्सा, सरसफाईमा गरि २ सय ५० जना अहोरात्र खटिए ।
नेपालका लागि महामारी नियन्त्रणमा विदेशबाट नेपालीको उद्दार गर्नु यो पहिलो अभ्यास थियो । संक्रमण बढेपछि चीनको हुबईमा ३ हप्तादेखि कोठामा थुनिएका नेपालीलाई नेपाल ल्याउने चर्चा चले पनि ल्याउने दिनको टुंगो लाग्न झण्डै १५ दिन लाग्यो । चीनबाट महामारी नै ल्याउने जसरी जनमासमा त्रास फैलिएपछि क्वारेन्टाइन स्थान तोक्न नै कठिन भयो । इचंगुनारायणका स्थानिय निकायले नै हामीले नदेख्ने ठाउँमा राख्नपर्ने भन्दै विरोध गरे ।
भक्तपुरस्थित खरिपाटीमा नेपाल विद्यतु प्राधिकरण वरपर पनि विरोध हुन थाल्यो । भक्तपुर जिल्लाको भर्खरै नेतृत्व सम्हाल्नुभएका प्रमुख जिल्ला अधिकारी हुमकला पाण्डेलाई स्थानियको विरोध हुँदाहुँदै पनि क्वारेन्टाइनको व्यवस्थापन मिलाउनु ठूलै चुनौती थियो । सरकारले नेपाली ल्याएर खरिपाटीमा नै राख्ने अन्तिम निर्णय गर्यो । त्यत्तिबेला जम्मा तीन दिनको समय थियो, सम्पूर्ण व्यवस्थापनका लागि ।
विद्युत प्राधिकरणका चार वटा भवन खाली गरि आवश्यक सबै सामानको व्यवस्था गर्नुपर्ने थियो । भवन परिसरमा रहेका फोहोरको व्यवस्थापन गरि अन्तर्राष्ट्रिय स्तरको क्वारेन्टाइन बनाउनुपर्ने अर्काे मुख्य काम त्यत्तिकै कठिन थियो । पहिलो दिनमा त हामी निकै आत्तियौँ, जम्मा तीनभित्र सबै व्यवस्था मिलाइसक्नु पर्ने थियो । जसरी पनि त्यो व्यवस्थापन मिलाउनै पर्ने थियो- प्रमुख जिल्ला अधिकारी पाण्डे सम्झनुहुन्छ ।
तीन दिनमा क्वारेन्टाइनमा आवश्यक पर्ने सम्पूर्ण सामाग्रि, इन्टरनेट, टेलिभिजनदेखि खेलकुद सम्मको व्यवस्थापन गरियो । फागुन ३ गते विमान नेपालबाट चीनतर्फ उड्यो । फागुन २ गते विमानस्थलदेखि क्वारेन्टाइनसम्म उद्दार गर्दा र क्वारेन्टानमा ल्याइसकेपछि गरिने व्यवस्थापनका विषयमा पूर्व अभ्यास गरियो । हामी मानसिक र भौतिक रुपमा पूर्ण रुपले तयारी अवस्थामा थियौं । स्थानीयको विरोध हुँदाहुँदै पनि सम्पूर्ण तयारी गर्याैं- पाण्डेले खुशी हुँदै भन्नुभयो घरदैलाे अभियान गरेपछि स्थानियवासी खुशी हुनुभयो । यस कार्यमा स्थानीयवासीको सहयोगको भूमिका महत्वपूर्ण छ ।
फागुन ४ गते बिहान विमानस्थलबाट एक घण्टामा क्वारेन्टाइन ल्यायौं । हामीलाई उद्दार गरि ल्याइएका भाइबहिनीको चाहना बुझ्न तीन दिन जति लाग्यो । सबैले आ–आफ्नो स्वाद र आवश्यकता अनुसार खानाको व्यवस्था गर्न सुझाव दिएपछि हामीले त्यही अनुसार खानाको व्यवस्था गर्ने प्रयास गर्यौ । दुई जना साना बालबालिका पनि थिए । उहाँहरुका आमाबुवाले आफू बसेकै कोठामा बच्चाहरुका लागि खाना पकाएर खुवाउन अनुरोध गर्नुभयो । हामीले त्यो व्यवस्था पनि गर्यौ । १७ दिनसम्म अहोरात्र खटिनुभएका सुरक्षाकर्मी, चिकित्सक, सरसफाईका सबै जनाको सहकार्यमा, सबैजनाको मेहनतले जटिलता र चुनौती बीच पनि ठूलो सफलता हात पार्यौं- लामो सास फेर्दै प्रमुख जिल्ला अधिकारी पाण्डेले थप्नुभयो- महामारी नियन्त्रणमा पाएको पहिलो अवसर र सफलतापूर्वक जिम्मेवारी पूरा गर्न सकेकोमा गौरवको महसुस गरिरहेकी छु ।
तपाईँको अभिमत