नाइजेरियामा कोरोना भाइरसको अर्काे प्रकार फेला, बेलायतको भन्दा फरक
अ +
अ -
काठमाडौं । नाइजेरियामा कोरोना भाइरसको फेरि अर्काे प्रकार फेला परेको छ । अफ्रिकाको रोग नियन्त्रण विभाग प्रमुखले नयाँ प्रकारको कोरोनाबारे अनुसन्धान हुनपर्ने बताउनुभएको छ ।
दक्षिण अफ्रिका र बेलायतमा कोरोनाको नयाँ प्रकार थप संक्रामक भएको पाइएपछि यो आविष्कारले महामारी नियन्त्रणमा थप चुनौती बढेको छ ।
कोरोना भाइरसको नयाँ प्रकार देखिएपछि अन्तराष्ट्रिय यात्रामा रोक लगाउन सुरु भइसकेको छ । अफ्रिका सीडीसीका प्रमुख जोन एनकेंगगासोङले बेलायत र दक्षिण अफ्रिकामा भेटिएको भाइरसको प्रकारभन्दा फरक रहेको बताउनुभयो ।
उहाँले नाइजेरियामा देखिएको नयाँ प्रकारको भाइरसबारे थप अध्ययन हुने बताउनुभयो । एकपछि अर्काे गर्दै कोरोनाको नयाँ प्रकार भेटिन थालेपछि अन्तराष्ट्रिय जगत्मा चिन्ता बढेको छ ।
तपाईँको अभिमत