कर्मचारीमाथि जबरजस्ती करणी गरेको अभियोगमा डाक्टर राई पक्राउ
हेल्थपाटी - भाद्र १९, २०८० २१:५६ मा प्रकाशित
अ +
अ -
अस्पतालमा कार्यरत कर्मचारीलाई जबर्जस्तीकरणी गरेको अभियोगमा डा.बसिम राई पक्राउ परेका छन् ।
हेटौँडा–१ स्थित हेटौँडा सिटी हस्पिटलका सञ्चालकसमेत रहेका ३६ वर्षका डा. बसिम राईलाई हिजो (सोमबार) पक्राउ गरेको मकवानपुर प्रहरी प्रमुख सिताराम रिजालले जानकारी दिनुभयो । उहाँका अनुसार पीडित महिलाको मौखिक जाहेरीका आधारमा राईलाई हिजो प्रक्राउ गरिएको र आज पीडितले राई विरुद्ध जबर्जस्तीकरणीको लिखित जाहेरी दिनुभएको छ ।
५ दिन हिरासतमा राखेर अनुसन्धान गर्न मकवानपुर जिल्ला अदालतबाट अनुमति लिएको पनि रिजालले जानकारी दिनुभयो । सोमबार राती साढे १० बजेको समयमा हेटौँडा–१ स्थित डा. राईको आफ्नै कोठामा आफूमाथि जबर्जस्तीकरणी गरेको भनी पीडित महिला कर्मचारीले जाहेरी दिनुभएको छ ।
तपाईँको अभिमत