नयाँ संक्रमित भन्दा काेराेनामुक्त हुने धेरै, ११७५ जना निकाे भए
१२ कोरोना संक्रमितको मृत्यु
फाइल तस्विर ।
हेल्थपाटी - पौष ०४, २०७७ १५:४० मा प्रकाशित
अ +
अ -
काठमाडौं । पछिल्लो २४ घण्टामा ७१० जनालाई कोरोना पुष्टि हुँदा १ हजार १७५जना कोरोनामुक्त भएका छन् ।
आज देशभर ४ हजार ७८० जनाको पीसीआर परीक्षण हुँदा ७१०जनामा कोरोना संक्रमण पुष्टि भएको हो ।
यससँगै नेपालमा कोरोना संक्रमितको संख्या २ लाख ५३ हजार १८४ पुगेको छ । यसैगरी २४ घण्टामा १ हजार १७५ संक्रमित कोरोनामुक्त भएका छन् । योसँगै कोरोना संक्रमणमुक्त हुनेको संख्या २ लाख ४२ हजार ५६७ पुगेको छ ।
मन्त्रालयका अनुसार २४ घण्टामा १२ जना कोरोना संक्रमितको मृत्यु भएको छ । यो सहित कोरोना संक्रमित मृतकको संख्या १ हजार ७७७ पुगेको छ । हाल नेपालमा ८ हजार ८४० सक्रिय कोरोना संक्रमित रहेका छन् ।
तपाईँको अभिमत