अनुमति तथा नवीकरण गरेर मात्रै एम्बुलेन्स सञ्चालन गर्न सरकारकाे निर्देशन

स्वास्थ्य तथा जनसंख्या मन्त्रालयले एम्बुलेन्स चालकहरुलाई अनुमति तथा नवीकरण गरेर मात्रै एम्बुलेन्स सञ्चालन गर्न निर्देशन दिएको छ । मन्त्रालयले आज सूचना निकालेर ३५ दिनभित्र अनुमति तथा नवीकरण गर्न सूचित गरेको छ । यदि सो अवधिभर सञ्चालन अनुमति तथा नवीकरण नगरे जनस्वास्थ्य सेवा ऐन, २०७५ को दफा ५३ बमोजिम कारबाही गर्ने मन्त्रालयले जनाएको छ ।

राष्ट्रिय एम्बुलेन्स निर्देशिका, २०७८ को दफा ७ मा एम्बुलेन्स सञ्चालन अनुमति तथा दफा ९ मा हरेक दुई, दुई वर्षमा सञ्चालन अनुमति नवीकरण गर्नुपर्ने व्यवस्था छ । तर कतिपय एम्बुलेन्स सञ्चालकहरूले सञ्चालन अनुमति एवम् नवीकरण नगरिकन सञ्चालन गरिरहेका छन् । 

राष्ट्रिय एम्बुलेन्स निर्देशिका २०७८ बमोजिम देशभरि रहेको एम्बुलेन्सहरुलाई एकद्धार प्रणालीबाट सञ्चालन गरी छिटो, छरितो रुपमा विरामी वा घाइतेलाई अस्पताल पुर्याउने उद्देश्यले स्वास्थ्य संस्थाद्वारा मात्र एम्बुलेन्स सञ्चालन व्यवस्थाको मापदण्ड बनाई कार्यान्वयनमा ल्याएको छ । देशभर १०२ मा फोन गरी एम्बुलेन्स सेवा लिन सक्नेछन् ।