गर्भावस्थामा यस्ता लक्षण : आमा र बच्चा दुबैलाई हुन सक्छ खतरा

गर्भ बसेपछि महिलाले आफ्नो स्वास्थ्यको ख्याल सामान्य अवस्थामा भन्दा बढी गर्नुपर्छ । खानपान, शारिरीक व्यायाम (सामान्य) लगायत सही रूपमा गर्नुपर्छ । यसले आमा र बच्चा दुबैको स्वास्थ्य बलियो हुन्छ । बच्चाको विकास राम्रोसँग हुन्छ । यस्तो ख्याल गर्भ बसेदेखि बच्चा नजन्मिउन्जेल गर्नुपर्छ । नियमित जाँच गरिरहनुपर्छ ।

कुनै बेला स्वास्थ्यमा सजगता अपनाउँदा अपनाउँदै पनि विभिन्न जटिलता आउन सक्छन् । त्यस्ता जटिलताका लक्षण देखा पर्छन् । त्यस्ता लक्षण देखा परे नजरअन्दाज गर्नु हुँदैन । त्यस्ता लक्षणहरूका बारे सामान्य चर्चा गरौँ ।

पेटमा बारम्बार संकुचन महसुस हुनु
पेटमा कुनै कुनै बेला कस्सिएजस्तो महसुस हुनु सामान्य हो, यद्यपि यसलाई ‘डेलिभरी’को समय नजिक आउने बेला सामान्य मान्न सकिन्छ । यस्तो हुँदा पेट दुख्ने पनि हुन्छ । तर कुनै समय यो निरन्तर वा बारम्बार हुन लाग्छ । एक घण्टामा ६ पटकभन्दा बढी यस्तो महसुस भएमा यो समयअगावै डेभिरीको संकेत हुन सक्छ ।

बच्चाले हलचल गर्न छोड्नु
गर्भ बसेको २८ साता भन्दा कम भएमा बच्चाको हलचल कमै हुन्छ । तर २८ साता कटेपछि चाहिँ बच्चाको हलचल आमाले महसुस गर्ने हुन्छ । बारम्बार बच्चाको हलचल महसुस हुन्छ । त्यसैले गर्भवती महिलाले बच्चाको हलचल ख्याल गर्नुपर्छ । हलचल सामान्य जस्तो छैन भने चिकित्सकको सल्लाह लिनुपर्छ ।

रगतमा चिनीको मात्रा बढी वा कम हुनु
रगतमा चिनीको मात्रा सन्तुलनमा हुनुपर्छ । कतिपय महिलाको गर्भ रहेका बखत मधुमेह हुने गरेको पाइन्छ । त्यसो भएमा त्यसको सिधा असर बच्चामा पर्छ । त्यसैले आफ्नो रगतमा चिनीको मात्रा बारम्बार जँचाइरहनुपर्छ ।

रगत बग्नु
गर्भवती महिलाको महिनावारीमा झैँ रगत बगे त्यो बच्चाका लागि खतरा हुनसक्छ । थोरै रगत आउनु सामान्य भएपनि मासिक श्रावझैँ रगत आए तुरुन्त चिकित्सकको सल्लाहअनुसार उपचार विधि अपनाउनुपर्छ ।

असाध्यै पेट दुख्नु
गर्भवती महिलाको अलिअलि पेट दुख्नु सामान्य मानिन्छ । तर सहन गाह्रो हुने गरी पेट दुखेमा आमा र बच्चा दुबैका लागि खतरा हुन सक्छ । 
(आजतकबाट)