‘ठूला नेताको पछि नलागेको भए दुर्गा प्रसाईँ उहिल्यै जेल पर्थे’(भिडियो)

डा.गोविन्द केसी चिकित्सा शिक्षा र स्वास्थ्यका विभिन्न मागहरू राखेर २२औँ पटक अनशन बसिसके । गत बैशाख २९ गतेदेखि पशुपतिको मृगस्थिलीमा २२औँ पटक अनशनमा बसेका उनले ६ दिनपछि जेठ ३ गते अनशन तोडे। 

अनशन बसेकफ चौथो दिन हेल्थपाटीसँगको कुराकानीका क्रममा डा.केसी मेडिकल व्यवसायी दुर्गा प्रसाईँविरुद्ध खनिए । प्रसाईँले आफू र आ–आफ्ना सहयोगीलाई पटक-पटक फोन गरेर धम्की दिने गरेको डा.केसीको आरोप छ । 

२०७५ साल पुसमा इलाममा गएर अनशन बस्दा प्रसाईँले एक अपराधिक पृष्ठभूमिका व्यक्तिलाई आफूविरुद्ध अनशन बसाएको डा.केसीले बताए। त्यसमा तत्कालीन प्रधानमन्त्री केपी शर्मा ओली र ताप्लेजुङका एमाले नेता योगेश भट्टराईको पनि हात रहेको उनले आरोप लगाए।

अघिल्लो वर्ष मंसिरमा धनगढी गएर अनशन बस्दा दुर्गा प्रसाईँले परिचालन गरेका व्यक्तिले गेटा मेडिकल कलेजभित्र अनशन बस्न नदिएको उनको आरोप छ । 

प्रसाईँले झापास्थित आफ्नो अस्पतालमा बिरामीलाई चर्काे शुल्क लिएर लुट्ने गरेको आरोप केसीको छ । एक पटक उनको अस्पतालमा नक्कली डाक्टर समेत फेला परेकाले प्रसाईँको भागाभाग भएको डा.केसीले बताए । 

आफ्ना फट्याइँबाट बच्नकै लागि प्रसाईँ कहिले प्रचण्ड, कहिले ओली र कहिले पूर्वराजाको पछि लागेको केसीको आरोप छ । ठूला नेता तथा पूर्वराजाको पछि नलागेको भए । प्रसाईँ पहिल्यै जेल पर्ने दावी डा.केसीको छ । 

प्रसाईँ र उनका समर्थक युट्युबरले आफूविरुद्ध गलत हल्ला फैलाइरहेको आरोप उनकाे लगाएका छन्।

भिडियो