संक्रमितमा ब्ल्याक फंगस, फैलियो नाकदेखि मष्तिष्कसम्म संक्रमण

अहमदाबाद ।  कोरोना भाइरसको दोस्रो लहरमा जो संक्रमित निको भएका छन् उनीहरुमा म्यूकर माइक्रोसिस अथवा ब्लायक फंगसको समस्या देखिन थालेको छ । कोरोना संक्रमणको घटनामा केही कमी देखिन थालेको अवस्थामा ब्ल्याक फंगसको केस बढ्न थालेपछि भारतमा थप चिन्ता बढ्न थालेको छ । 

गुजरातमा पनि यस किसिमका बिरामीको संख्या लगातार बढिरहेको छ । गुजरातमा एउटा यस्तो घटना बाहिर आएको छ कि जो विगत ५ महिनादेखि ब्ल्याक फंगसको उपचार गराइरहेका छन् तर निको भएको छैन । 

एक युवा जसले ब्ल्याक फंगसको उपचारका क्रममा ३९ वटा सुई लगाइसकेका छन् भने ६ पटक अपरेशन गरिसकेका छन्, अहिले सातौ अपरेशनको तयारी भइरहेको छ । 

राजकोटका विमल दोषी नाम गरेका युवालाई गत नोभेम्वरमा कोरोना संक्रमण भएको थियो । उनकी श्रीमती चाँदनीका अनुसार १५ दिनसम्म अस्पताल राखेर विमलको उपचार गर्न परेको थियो । त्यतिबेला उनलाई अक्सिजन सँगसँगै स्टेरोइड औषधिको प्रयोग गरिएको थियो ।  
विमलले संक्रमणलाई त जिते तर विगत ५ महिनादेखि उनी ब्ल्याक फंगसको समस्यासँग जुधिरहेका छन् । उनमा ब्ल्याक फंगसको संक्रमण बढ्दै गएको छ । सुरुमा उनलाई नाकमा ब्ल्याक फंगस देखियो, उनले आणंदस्थित मेडिकल कलेजमा नाकको अपरेशन गरे । संक्रमण फैलदै गएपछि आँखाको अपरेशन गर्नपर्यो । ब्ल्याक फंगसको समस्या हटेन र फेरि नाक र वरिपरी भागको अपरेशन गरे । तर अहिले ब्ल्याक फंगसको संक्रमण उनको मष्तिष्कसम्म फैलिएको छ र उनले अब मष्तिष्कको अपरेशन गर्नपर्ने छ ।  तर आर्थिक अवस्थाका कारण यसपटकको उपचार गर्नसक्ने अवस्थामा छैनन् । यसअघि उपचार गर्दैमा उनको भएको सम्पत्ति सकिसक्यो । अहिलेसम्म उनले ४१ लाख रुपैया ब्ल्याक फंगसको उपचारमै सकाइसके, घर बेचिसके । अबको अपरेशनलाई १० देखि १५ लाख लाग्ने चिकित्सकहरुले बताएका छन् । यो समाचार आजतकमा छ । 

के हो ब्ल्याक फंगस

नारायणी अस्पतालका चिकित्सक डा. निरज सिंहका अनुसार वास्तवमा यसलाई म्युकोर्मिकोसिस (mucermycosis) भनिन्छ । यो एउटा कालो ढूसी (Black fungus) को संक्रमणले गर्दा देखिने रोग हो । बिषेश गरेर डाइबिटिज (मधुमेह्) रोगी र कोभिड- १९ को संक्रमणको उपचार को क्रम मा steroids ग्रुप को औषधी प्रयोग पस्चात रगत मा चिनी को मात्रा बढ्ने समुह मा बढी देखा पर्छ ।

विज्ञहरूका अनुसार कालो fungal संक्रमण हावामा अवस्थित म्युकोर्मिसेट्स भनिने मोल्डहरूको समूहले गर्दा हुन्छ र बिरामीले सास फेर्दा जुन साइनस को गुहा, फोक्सो र छातीका प्वालहरूमा फैलिन्छ। यद्यपि केही विज्ञहरू विश्वास गर्छन् कि स्टेरोइडमा उच्च निर्भरता (COVID केस हरूमा inflammation उपचारको लागि प्रयोग गरिएको), पूर्व-अवस्थित कमोरबीडिटीज, जस्तै मधुमेहले COVID बाट पीडित व्यक्तिलाई म्युकोर्मोकोसिसको जोखिममा बढी जोखिममा पार्न सक्छ।

ब्ल्याक फंगस संक्रमणबाट पीडित बिरामीहरू सामान्यत: नाक भरिएका र नाक बग्ने लक्षणहरू हुन्छन्; आँखामा सूजन र दुखाई; पलकको झुकाई; र धमिलो र अन्तमा, दृष्टि गुमाउनु। नाक वरिपरि छाला मा कालो प्याचहरू (Black patches) हुन सक्छ।