प्रदेश २ मा विभिन्न अस्पताल र प्रयोगशालाका लागि दरबन्दी थप
काठमाडौ । प्रदेश २ सरकारले कोरोना नियन्त्रणका लागि विभिन्न अस्पताल तथा प्रयोगशालाका लागि ४ सय १७ अस्थायी दरबन्दी थप गरेको छ ।
आज बसेको मन्त्रिपरिषद्को बैठकले कोरोना महामारी रोकथाम, नियन्त्रण तथा उपचारका लागि स्वास्थ्यकर्मीको दरबन्दी थप गर्ने निर्णय गरेको हो ।
प्रादेशिक जनस्वास्थ्य प्रयोगशालाका लागि ३३, प्रादेशिक अस्पतालका लागि १ सय ७४, सिरहा, जलेश्वर, मलंगवा, गौर र कलैया अस्पतालका लागि ३२ र ३२ लहान अस्पतालका लागि २३ र भारदह तथा पोखरिया अस्पतालका लागि १५ र १ ५ दरबन्दी थप गर्ने निर्णय सरकारले गरेको छ । थप गरिएका दरबन्दीहरुमा एनेस्थेसियोलोजिष्ट देखि स्वीपर सम्मका पद छन् ।
थप गरिएका दरबन्दीहरुमा अस्पतालले आवश्यकताको आधारमा तुरुन्त नियुक्त गर्न सकिने व्यवस्था सरकारले गरेको छ । बैठकले कोरोना महामारीसँग जुध्न प्रदेश सरकारका मन्त्रीहरुलाई जिल्ला–जिल्लाको जिम्मेवारी दिँदै फोकल मन्त्रीसमेत निर्धारण गरेको छ ।
तपाईँको अभिमत